Śpiecdakładčykam AAN pa Biełarusi budzie palitołah Anais Maryn

Novym śpiecdakładčykam AAN pa pravach čałavieka ŭ Biełarusi, chutčej za ŭsio, stanie Anais Maryn. Jaje kandydaturu rekamiendavaŭ na hetuju pasadu staršynia Rady pa pravach čałavieka AAN Vojsłaŭ Šuc.

Maryn zamienić na pasadzie śpiecdakładčyka pa Biełarusi Mikłaša Charaści. Kančatkovaje rašeńnie budzie pryniataje 28 vieraśnia — u apošni dzień 39-j siesii Rady pa pravach čałavieka AAN, što prachodzić u Ženievie.

Mandat śpiecdakładčyka pa Biełarusi byŭ zasnavany SPČ AAN u lipieni 2012 hoda, a zatym štohod padaŭžaŭsia. Śpiecdakładčyk rehularna rychtuje spravazdačy ab situacyi z pravami čałavieka ŭ Biełarusi, pradstaŭlajučy ich Radzie AAN pa pravach čałavieka i Hienieralnaj Asamblei AAN. Biełaruskija ŭłady mandat śpiecdakładčyka nie pryznajuć i admaŭlajucca ad supracoŭnictva ź im.

Piać faktaŭ pra Anais Maryn

1. Razumieje biełaruskuju movu i ŭmieje čytać pa-biełarusku

Anais Maryn naradziłasia ŭ 1977 hodzie. Palitołah, śpiecyjalizujecca na mižnarodnych adnosinach. Supracoŭničała ź Finskim instytutam mižnarodnych adnosin. Akramia biełaruskaj movy, jakuju razumieje i na jakoj umieje čytać, svabodna vałodaje francuzskaj, anhlijskaj i ruskaj movami.

2. Była ŭ śpisie nieŭjaznych u Biełaruś

3. Vystupała za pradaŭžeńnie sankcyj ES ŭ dačynieńni da Biełarusi

Anais Maryn nastojvała na pradaŭžeńni sankcyj Jeŭrasajuza ŭ dačynieńni da Biełarusi da taho momantu, pakul Biełarusi nie vykanaje ŭsie patrabavańni ES. U toj ža čas ličyła, što sankcyi ŭ dačynieńni da Biełarusi nie dajuć naležnaha efiektu, a taksama była pierakananaja, što biełaruskija ŭłady nikoli nie pojduć na reabilitacyju palitźniavolenych. Tak ci inakš, u 2016 hodzie bolšaść sankcyjnych mier byli prypynienyja.

4. Ličyła, što Biełarusi nie miesca va «Uschodnim partniorstvie»

Maryn śćviardžała, što Biełaruś była ŭklučanaja ŭ prahramu «Uschodniaje partniorstva» biespadstaŭna — tolki praz asabistyja ambicyi asobnych jeŭrapiejskich čynoŭnikaŭ. Adnačasova Anais Maryn śćviardžała, što ŭ ES niama kankretnaj prahramy raźvićcia adnosin ź Biełaruśsiu.

5. Upeŭnienaja, što ŭ ES niama palitykaŭ, jakija nasamreč raźbirajucca ŭ «biełaruskim pytańni»

Anais Maryn vystupała za «depalityzacyju adnosin» ź Biełaruśsiu. Jana śćviardžała, što ŭ Jeŭrasajuzie niama palitykaŭ, jakija razumiejuć, što nasamreč adbyvajecca ŭ našaj krainie. Ź inšaha boku, biełarusy ŭ svajoj bolšaści nie razumiejuć, čamu i navošta ES uvodzić svaje sankcyi, i ličać, što «ŭ turmach siadziać nie palitźniavolenyja, a tyja, kaho nasamreč niedaremna pakarali».

«Ja nie kažu, što nieabchodna depalityzavać adnosiny z režymam, što treba supracoŭničać z režymam. Nie! Ja kažu, što nieabchodna raspačynać treci šlach dla narmalnaha supracoŭnictva na takim uzroŭni, na jakim i tak užo idzie supracoŭnictva, — kazała Anais Maryn u intervju Jeŭraradyjo. — Pa asobnych siektarach, pa peŭnych temach supracoŭnictva ŭsio adno idzie. Nieaficyjna asobnyja krainy ES, na žal, viaduć takoje supracoŭnictva, biźnies idzie vydatna! Ja kažu pra toje, što treba heta rabić adkryta, prazrysta. I kab pradstaŭniki hramadzianskaj supolnaści mahli manitoryć toje, što adbyvajecca».

• 0
• 0
• 0
• 0
• 0
• 0
• 0
• 0