Na Eviereście znajšli pareštki alpinista, jaki źnik 100 hadoŭ tamu
Na Eviereście znajšli pareštki, jak miarkujecca, alpinista Endru Irvina, jaki źnik bieź viestak 100 hadoŭ tamu pry sprobie ŭzychodžańnia na samuju vysokuju haru śvietu. Pra heta paviedamlaje Bi-bi-si.
Endru Irvin. Fota: Getty Image
«Heta adkryćcio moža raskryć adnu z samych vialikich zahadak alpinizmu», — adznačajecca ŭ materyjale.
Znachodku ździejśniła hrupa alpinistaŭ, jakaja zdymała dakumientalny film dla National Geographic. Viadomy padarožnik Džymi Čyn, jaki ŭznačalvaŭ kamandu, nazvaŭ heta adkryćcio «manumientalnym i emacyjnym momantam».
Endru Irvin sprabavaŭ padniacca na Evierest u červieni 1924 hoda razam z Džordžam Mełary. Astanki Mełary ŭrešcie byli znojdzienyja, a voś Irvin 100 hadoŭ ličyŭsia źnikłym bieź viestak.
Mnohija zadavalisia pytańniem, ci ŭdałosia kamandzie Irvina i Mełary stać pieršymi ludźmi, jakija padnialisia na Evierest, za 29 hadoŭ da taho, jak Edmund Chiłary i Tencynh Narhiej dasiahnuli viaršyni. Na praciahu mnohich hadoŭ niekatoryja sprabavali znajści cieła Irvina, pakolki, jak kazali, u jaho była kamiera ź nieprajaŭlenaj plonkaj, jakaja mahła b dakazać, što jon i jahony partnior pa ŭzychodžańni dabilisia pośpiechu.
Brytanskija ŭłady ciapier praviarajuć z dapamohaj DNK, ci sapraŭdy vyjaŭlenyja astanki Endru Irvina, jak paviedamili ŭ National Geographic. Adnak zdymačnaja hrupa National Geographic amal upeŭnienaja ŭ hetym, pakolki na škarpetcy, znojdzienaj usiaredzinie čaravika, vyšytyja słovy AC Irvine.
Samaja vysokaja ŭ śviecie hara praciahvaje nadalej raści
«Stabilna 2-3 vypadki ŭ hod, kali ja na miažy śmierci». Prosty chłopiec ź vioski «zachvareŭ» na alpinizm i zmoh zrabić z chobi biznes
Evierest ačyściać ad śmiećcia pry dapamozie dronaŭ
«Našy hory pačali śmiardzieć». Alpinistaŭ, jakija łaziać na Evierest, abaviazali prybirać za saboj fiekalii
Eks-kandydatku ŭ prezidenty Taćcianu Karatkievič pasadzili na 15 sutak11
Kamientary
Hanarusia