Vypusknika nie pryniali na raźmierkavańnie. Zaraz jon vinny bolš za 20 000 rubloŭ
Čamu tak atrymałasia?
Vypusknika nie pryniali na pracu pa raźmierkavańni pa niezaležnych ad jaho pryčynach — u vyniku jon pavinien pakryć košt svajoj vučoby i zapłacić 20 000 rubloŭ. Jak tak atrymałasia, piša Onliner.by.
Vypusknik skončyŭ kaledž u lipieni 2023 hoda, jaho raźmierkavali na pradpryjemstva ŭ adpaviednaści sa śpiecyjalnaściu. Jak adznačajuć u prakuratury, pa niezaležnych ad vypusknika pryčynach na pracu jaho nie pryniali. Dalej kaledž vysłaŭ jamu apaviaščeńnie, što treba źjavicca dla pieraraźmierkavańnia, ale da lutaha 2024 hoda małady čałaviek hetaha nie zrabiŭ.
Dalej było piśmovaje paviedamleńnie, što jamu treba dobraachvotna pakryć srodki, zatračanyja na jaho navučańnie. U šaścimiesiačny termin małady śpiecyjalist nie źviarnuŭsia ŭ kaledž z takoj zajavaj, nie kampiensavaŭ vydatki i nie prynios dakumienty, jakija paćviardžajuć prava na vyzvaleńnie ad hetaha pakryćcia.
Sud vyrašyŭ spahnać z vypusknika vydatki, zatračanyja na jaho navučańnie, u pamiery zvyš 20 000 rubloŭ, a taksama dziaržpošlinu.
Rašeńnie suda nie ŭstupiła ŭ siłu, moža być abskardžana i apratestavana.
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami99
Kamientary