Siońnia ŭ Ženievie na pasiadžeńni 57-j siesii Savieta AAN pa pravach čałavieka na pasadu śpiecdakładčyka pa Biełarusi byŭ pryznačany Niłs Mujžnijeks z Łatvii, paviedamlaje Ofis Śviatłany Cichanoŭskaj.
60-hadovy Niłs Mujžnijeks — ekśpiert u śfiery abarony pravoŭ čałavieka z 25-hadovym vopytam. Jon zajmaŭ pasadu kamisara pa pravach čałavieka ŭ Radzie Jeŭropy, uznačalvaŭ rehijanalnaje pradstaŭnictva Amnesty International u Jeŭropie i supracoŭničaŭ ź biełaruskimi pravaabaroncami.
Śpiecyjalny dakładčyk AAN pravodzić niezaležny manitorynh taho, što adbyvajecca z pravami čałavieka ŭ našaj krainie, rehularna rychtuje rekamiendacyi pa palapšeńni situacyi. Akramia taho, jon adsočvaje vykanańnie mižnarodnych abaviazacielstvaŭ Respubliki Biełaruś u śfiery pavahi i zachavańnia pravoŭ čałavieka.
Raniej pasadu śpiecyjalnaha dakładčyka AAN pa Biełarusi z 2018 hoda zajmała Anais Maryn z Francyi. Ofis Śviatłany Cichanoŭskaj vysoka acaniŭ jaje pracu:
«Jaje niezaležnaja, addanaja i samaachviarnaja praca pryviała da taho, što suśvietnaja hramadskaść daviedałasia pra sistemnyja parušeńni, jakija adbyvajucca ŭ Biełarusi kožny dzień. Jaje praca pa abaronie pravoŭ biełarusaŭ stała značnym unioskam u baraćbu za adnaŭleńnie spraviadlivaści ŭ našaj krainie».
Dźmitryjeŭ prosić viarnuć pasłoŭ u Minsk. «Sankcyi bjuć pa ludziach, a nie pa ŭładzie»47
Dźmitryjeŭ prosić viarnuć pasłoŭ u Minsk. «Sankcyi bjuć pa ludziach, a nie pa ŭładzie»
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami99
Kamientary
Treba pisać nie "pryznačyli novaha", a "pryznačyli čarhovaha", tamu što mianiajecca šyła na myła, ad pustych reportaŭ jakich biełarusaŭ ni chałodna-ni horača.