10 kastryčnika Apostalskaja nuncyjatura ŭ Respublicy Biełaruś vydała paviedamleńnie adnosna pryniaćcia Papam Franciškam admovy ad pasady dapamožnaha biskupa Pinskaj dyjacezii Kazimira Vielikasielca.
«Apostalskaja nuncyjatura ŭ Respublicy Biełaruś paviedamlaje, što Śviaty Ajciec Papa Francišak pryniaŭ admovu ad pasady dapamožnaha biskupa Pinskaj dyjacezii Jaho ekscelencyi Kazimira Vielikasielca», — skazana ŭ dakumiencie, padpisanym Časovym pavieranym u spravach Śviatoha Pasadu ŭ Biełarusi ksiandzom prełatam Kšyštafam Serokam.
Takim čynam, z hetaha času najstarejšy katalicki ijerarch u Biełarusi biskup Kazimir Vielikasielec, jaki 5 maja nastupnaha hoda adznačyć svajo 80-hodździe, u adpaviednaści z kanonam 185 Kodeksa kananičnaha prava, moža ŭžyvać tytuł «emieryt».
Na pasadu dapamožnaha biskupa Pinskaj dyjacezii daminikanin Kazimir Vielikasielec byŭ mienavany Janam Paŭłam II 6 maja 1999 hoda. 24 červienia taho ž hoda pryniaŭ biskupskaje paśviačeńnie ŭ Pinsku. Z 3 studzienia 2021 hoda da 23 kastryčnika 2021 hoda byŭ Apostalskim administrataram Minska-Mahiloŭskaj archidyjacezii.
U apošni čas nios słužeńnie ŭ Homieli.
Paśla praciahłaha rostu ŭ Biełarusi prykmietna źniziŭsia popyt na nieruchomaść. Čamu tak adbyvajecca?4
Paśla praciahłaha rostu ŭ Biełarusi prykmietna źniziŭsia popyt na nieruchomaść. Čamu tak adbyvajecca?
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami88
Kamientary