U suviazi sa zvarotami, što pastupajuć u Ministerstva abarony pa fakcie śmierci vajskoŭca radavoha Koržyča A.A., paviedamlajem nastupnaje.
Ministerstvam abarony pryniaty ŭsie miery dla abjektyŭnaha i ŭsiebakovaha rasśledavańnia abstavinaŭ hetaha zdareńnia.
Nieadkładna infarmacyja ab dadzienym fakcie była paviedamlena ŭ Śledčy kamitet i prakuraturu. Z metaj maksimalna abjektyŭnaha rasśledavańnia i pravierki ŭsioj atrymanaj infarmacyi, vyjaŭleńnia pryčyn i ŭmoŭ zdareńnia, detalovaha vyvučeńnia ŭsich abstavinaŭ, jakija sadziejničali hetamu zdareńniu, u tym liku mahčymych supraćpraŭnych dziejańniaŭ vajskoŭcaŭ, uklučajučy parušeńni statutnych praviłaŭ uzajemaadnosin, raspačata kryminalnaja sprava pa artykule 443 (častka 3) Kryminalnaha kodeksa Respubliki Biełaruś.
U vypadku vyjaŭleńnia va ŭstanoŭlenym zakonam paradku asob, vinavatych u śmierci vajskoŭca Koržyča A.A., jany abaviazkova buduć pryciahnuty da adkaznaści ŭ adpaviednaści z zakanadaŭstvam Respubliki Biełaruś.
Ministerstvam abarony, razam z kompleksam prafiłaktyčnych mierapryjemstvaŭ, niaŭchilna realizujecca hałoŭny pryncyp baraćby sa złačynnaściu — zabieśpiačeńnie niaŭchilnaści pakarańnia vinavatych asob za drobnyja parušeńni zakanadaŭstva.
Pa ŭsich faktach złačynstvaŭ abaviazkova zavodziacca kryminalnyja spravy. Tak, pa faktach parušeńniaŭ statutnych praviłaŭ uzajemaadnosin pamiž vajskoŭcami, u tym liku tych, jakija nie byli spałučanyja z hvałtam, raspačatyja kryminalnyja spravy, u tym liku ŭ 2014 hodzie — 13, u 2015 hodzie — 27, u 2016 hodzie — 17, u 2017 hodzie hodzie — 13.
Adnačasova realizujecca kompleks arhanizacyjnych i prafiłaktyčnych mier u suviazi z rezkim paharšeńniem sacyjalna-demahrafičnaj charaktarystyki pryzyŭnoha kantynhientu (kožny dziasiaty pryzyŭnik apošnich dvuch pryzyvaŭ znachodziŭsia na ŭliku ŭ milicyi, zatrymlivalisia rabotnikami pravaachoŭnych orhanaŭ za administracyjnyja pravaparušeńni amal dźvie traciny pryzyŭnikoŭ, kolkaść pryzyŭnikoŭ, jakija mieli dośvied kryminalnych pavodzinaŭ, skłała bolš za 4% u toj čas, jak u pačatku 2000-ch hadoŭ, majučy liški pryzyŭnych resursaŭ, u vojsku nie słužyli asoby, u jakich sudzimaść była źniataja abo pahašanaja).
Niahledziačy na situacyju, jakaja skłałasia, pryniatyja arhanizacyjnyja i prafiłaktyčnyja miery zabiaśpiečyli funkcyjanavańnie bolš čym 90% vajskovych častak biez złačynstvaŭ i zdareńniaŭ.
Ministerstva abarony paćviardžaje niaźmiennaść pazicyi ab zabieśpiačeńni i niaŭchilnaści pakarańnia vinavatych asob za ździajśnieńnie pravaparušeńniaŭ.
Ab vynikach rasśledavańnia ŭsich abstavinaŭ śmierci vajskoŭca radavoha Koržyča A.A. Ministerstva abarony va ŭzajemadziejańni sa Śledčym kamitetam prainfarmuje hramadskaść.
Kamientary