Onłajn z hałoŭnym trenieram BATE.
 |
***
Pytańnie da kiraŭnictva. Čamu b nie zaprasić tady Ramana Abramoviča. Dumaju, heta chutčej žart, čym pytańnie.
Dakładna nia viedaju pra niedachopy. Ale možna akreślić nastupnaje: heta łožy dla VIP, žurnalistaŭ, raździavalni, parkoŭki dla aŭtobusaŭ, mašyn. Astatniaje niedapracoŭki – dla kiraŭnictva. Nakont prezydenta – taksama nie mahu adkazać, ci viedaje jon.
My vielmi dobra vyhladajem fizyčna. Spadziajomsia siłaŭ chopić. Ciažka adkazać, bo dośviedu ŭ ŁČ u nas niama. Spadziajusia zachavać hetki stan da 10 śniežnia.
Mnie intieriesna ijerarchija kapitanov v kłubie.
Poniatno, čto piervyje 3 v poriadkie staršinstva - A.Jermakovič, D.Lichtarovič, H.Bliźniuk. A vot dalšie nie poniatno)) I Maks Žavnierčič był (v Vitiebskie), i Ihoŕ Stasievič s Levski.
Pytańnie surjoznaje. Pierad sezonam byli vybary, kapitanam staŭ Jermakovič, i pamočniki (Lichtarovič i Bliźniuk, a taksama Kazancaŭ). Pieramieny byli vyklikanyja traŭmami. Chłopcam samim davodziłasia vyrašać na poli, chto budzie kapitanam.
Hetaje pytańnie ŭ stadyi raspracoŭki. My vykazali svaje prapanovy federacyi, čakajem adkazu. Napeŭna hrafik daviadziecca rabić bolš ščylnym. Hulać praz 2 dni na treci i h.d.
Vyjhrajem
Pytańnie: Chto adkazvaje ŭ klubie za psychalehiju? Ci jeść štatny psycholah, ci heta vy, ci hulcy sami ŭśviedamlajuć, jak treba maralna nastrojvacca na hulniu?
Dziakuj.P.S. I žadaju nie padchapić "zornuju balezń".
Dziakuj za vinšavańnie! Psycholah u nas – uvieś trenerski štab. Nakont zornaj chvaroby – upeŭnieny, što ni ŭ mianie, ni ŭ kamandy jaje nia budzie.
Niekalki pytańniaŭ: jak Vy ličycie, jakim čynam paspryjaje ŭdzieł BATE ŭ hrupavym raŭndzie Lihi Čempijonaŭ na raźvićcio biełaruskaha futbołu? Jak Vy ličycie, ci jość zaraz jašče ŭ Biełarusi kamandy, jakija zdolnyja dasiahnuć takoha ž vyniku ŭ bližejšy čas? I hałoŭnaje: jak Vy ličycie, jakaja hałoŭnaja prablema biełaruskaha futbołu?
Chočacca spadziavacca, što našyja ŭłady paviarnucca tvaram da futbołu, i što budzie rekanstrujavany stadyjon pavodle patrabavańniaŭ ŁČ, naprykład, stadyjon «Traktar» ci «Dynama».
Kali ŭźnik ažyjataž z «Anderlechtam» i «Leŭskim», było mnoha pakryŭdžanych, nia ŭsim chapiła kvitkoŭ. Ciapier chaciełasia b dumać, naprykład, pra 80-tysiačny stadyjon.
Kab vystupać u ŁČ treba znachodzicca na piku svaich mahčymaściaŭ. Siaredzina sezonu — heta toj samy čas, kali kamanda dobra vyhladaje fizyčna, heta toje, što nam treba.
Nakont prablemy biełaruskaha Futbołu, nam chaciełasia b, kab bolš uvahi nadavałasia trenierskim kadram. Treba brać bolš viadučych metodyk, hišpanskich, italjanskich, halandzkich. Na moj pohlad, heta najistotniejšaja prablema.
/div>
Dziakuj! Heta całkam narmalnaja praktyka. I my budziem tolki za, kali našyja futbalisty spatrebiacca ŭ bolš mocnych čempijanatach. Nikoha my ŭtrymlivać nia budziem, bo heta značyć pamianšeńnie matyvacyi. I paralelna my budziem šukać perspektyŭnych futbalistaŭ dla BATE.
Dziakuj za vinšavańni. Nakont uzmacnieńnia, dakładna, my viadziem pracu, i ciapier nia dumajem, što niechta novy nam patrebny. Nia ličym patrebnym dadavać novych hulcoŭ da tych, chto prajšli kvalifikacyjny raŭnd. Prapanovaj BFF my b nie skarystalisia.
Zadača ŭ ŁČ – nabyć peŭny dośvied. Ničoha nia ŭdasca, kali my budziem vychodzić na matč z nastrojem niaŭdačnika. Tamu budziem vychodzić z adpaviednym nastrojem.
Treba heta adčuć, kab dajści da bolš peŭnych adkazaŭ.
Ci nie źbirajeciesia ŭzmacnić skład kamandy pierad udziełam u turniry ŁČ?
Kali tak, kaho chacieli b nadbać u biełarskim čempičnacie, a moža i pa za miežami?
Padajecca, što pazycyi napadnikaŭ i paŭabaroncaŭ mohli b być dadzienyja - treba bolš jakasnych hulcoŭ dla ŁČ.
Dziakuj jašče raz i pośpiechu ŭ jeŭračempie lepšych kamandaŭ Jeŭropy!
Hladzicie adkaz vyšej
Skažitie jesť li sieŕjeznyje priedłožienija po ihrokam ot zarubiežnych kłubov?
Dziakuj! Prapanovy na šmat kaho z hulcoŭ jość. My budziem razhladać ich pry kancy sezonu, bo treba maksymalna dobra vystupić u ŁČ. Razhlad hetych pytańniaŭ ciapier asłabić kamandu, čaho rabić zusim nia chočacca.
Nakont dasiahnieńniaŭ, takaja ŭ nas praca. Ja nie liču, što my niešta takoje zrabili. Treba praciahvać i hulać u futboł. Kali damo słabinu, upadziom dołu.
Nu i Sport pa-za palitykaj! (śmiajecca)
CIAPIER PYTAŃNI!
1.Kaho dumajecie pastavić zamiest Bliźniuka ŭ pieršym matčy? Chto budzie stajać na bramie?
2.Kali vy letali na žerebjoŭku ŭ Manaka, to jakija u vas uražańni ad znachodžańnia ŭ kampanii jeŭrapiejskaha futbolnaha bamondu?
3. Ci źviartali vy ŭvahu na publičnyja abraźlivyja(u dačynieńni jak da vašaj kamandy, tak i da usioj krainy) zajavy prezidenta Levski pierad matčami z BATE? Ci viedajcie pra adkaznuju reakcyju na hetyja zajavy staršyni partyi BNF, i pra aficyjny adkaz baŭharskaha ambasadara(pasła)? Kali viedajcie, to jak aceńvajcie ich pierapisku?
P.S. škada Bliźniuka, jaki nie zmoža zhulać na Sanćjaho Biernabeŭ z Reałam :(
NAPIERAD BATE! ŽYVIE BIEŁARUSKI FUTBOŁ! ŽYVIE BIEŁARUŚ!
1. Skład zaŭsiody vyznačajecca ŭ dzień hulni. Času jašče bahata, usiakaje moža adbycca. Toje samaje i da druhoha pytańnia.
2. Jeździŭ hieneralny dyrektar, ja byŭ z kamandaj.
3. Ja vielmi sumniajusia ŭ praŭdzivaści hetych słovaŭ. Ale i viedajučy baŭhar, moža skazać, što jany mahli niešta padobnaje skazać. Našyja zajavy ja čytaŭ, ale vialikaha značeńnia im nie nadavaŭ.
Sumniajusia ŭ praŭdzivaści hetych słovaŭ, bo heta baŭharskaja presa. Usio ž abvinavačvać ich nia chočacca, ale i daviarać ciažka.
Da hetych słovaŭ my całkam spakojna pastavilisia.
4. Dziakuj za vinšavańni
ciapier pytańnie:
Ci budzie ŭ bližejšym časie BATE nabyvać novych hulcoŭ, kali tak, to jakich?
Ci raźličajecie Vy na Ramana Ściapanava ŭ hulniach Lihi Čempijonaŭ?
Chto na Vaš pohlad samy surjozny supiernik dla BATE?
Usie try kamandy – vielmi mocnyja supierniki, nie starajusia ich raździalić. U kožnaha svoj styl, kožny niebiaśpiečny pa-svojmu, u kožnaj jość nabor vysokaklasnych futbalistaŭ.
Moj syn zajmajecca futbołam u mienskaj "SDIUŠOR-5". Sapraŭdny fanat futbołu i Biełarusi. Jon maje niebłahija zdolnaści i pośpiechi. Raźličvaje praz 7-8 hadoŭ pryjści ŭ BATE.
Ci jość šaniec, što jaho sustrenie hałoŭny trenier Hančarenka ? Jaki ź inšych klubaŭ Biełarusi chacieli by ŭznačalić, kali b vam prapanavali dobry kantrakt ? Za jaki zamiežny kłub zaŭziali ŭ dziacinstvie ?
Chłopcu chočacca pažadać adnosicca da siabie adkazna. Kali zajmacca futbołam i dasiahać vysokich vynikaŭ, treba šmat u čym sabie admaŭlać.
Samaje hałoŭnaje, kab jon chacieŭ hulać, pryśviačaŭ siabie futbołu.
Prapanovaŭ ad inšych klubaŭ, biełaruskich i zamiežnych, nia mieŭ.
Mnie padabaŭsia styl i atmasfera Mančester Junajted i zaŭsiody byli sympatyi da Milanu.
Počiemu Vy vsiehda v triko i sportivnom kostiumie choditie? Eto nie stilno! Vam eto nie k licu. Vam by podošieł šakarnyj kostium ili hłamurnyj vid odieždy! Ot Vas vsia Jevropa była by biez uma!
Udači v Lihie!
1/ Patrabavańni UEFA – usio musić być pa-anhielsku, ułučna z reklamaj. Proźviščy buduć dakładna pa-anhielsku.
Nakont stylu vopratki – nikoli na hulniach nia byŭ u tryko. Lublu prajścisia pa modnych kramach i spartovuju vopratku maju tolki na treniroŭkach.
Nakont šykoŭnych kaściumaŭ – majem klubnyja kaściumy vysokaj jakaści, u ich i budziem.
Jość lubimaja žonka i lubimaje dzicia. Chłopčyku majmu 7,5 miesiacaŭ. Heta maja addušyna, ź im ja zabyvajusia pra futboł.
Naš klub słavicca tym, što my ŭmiejem razumna padyści da finansavych mahčymaściaŭ. Nie sumniajusia, što hetyja hrošy razumna raźmiarkujem. Buduć premijalnyja, pašyreńnie bazy, nabyćcio aŭtobusaŭ. Hrošy zaŭsiody iduć pa pryznačeńni. Lišniaha nikoli nie byvaje.
7. Ci płanujecie vystaŭlać Hutora na matčy ŁČ abo bieł. čempijanata ?
8. Apošniaje pažadańnie i prośba: pieradajcie, kali łaska, usioj kamandzie, što svajoj hulnioj jana abjadnoŭvaje Biełaruś, usich hramadzianaŭ našaj krainy niezaležna ad nacyjanalnaści, i biełaruskamoŭnych, i ruskamoŭnych, i trasiankamoŭnych. Dziakuj Vam za ščaślivyja chviliny.Zdaroŭja i pieramoh! Žyvie Biełaruś!!!
1. Pa-pieršaje, nichto nie źmiryŭsia. Nie sumniajusia, što tak i budziem hulać, kab pakazać siabie ŭ najlepšym śviatle, jak vy kažacie, na žyłach. Naša psychalohija – my nie prymajem parazaŭ, budziem zmahacca. My zdajom sabie spravazdaču, što hrupa vielmi ciažkaja.
2. Skład vyznačajecca ŭ dzień hulni. Jość numar adzin Viaromka, jość małady i perspektyŭny Hutar. Usio vyznačym u dzień hulni.
Dziakuj za dobryja słovy!
Z pavahaj, Anton
P.S. Dziakuj Vam za kazku, padoranuju biełaruskim balelščykam (vychad u Lihu čempijonaŭ)
Maju davoli pryjemnyja ŭspaminy dziacinstva. Baćki zrabili dla mianie ŭsio najlepšaje, kab dziacinstva prajšło ŭ samych śvietłych tanach, za što ja im udziačny. Baćki majho ŭžo niama — jon pamior u 1993-m, bo ŭ pieršyja dni paśla avaryi pracavaŭ u Čarnobyli. Mama pracavała zahadčycaj mahazynu, ciapier jana žyvie ŭ inšym miescy ŭ Homielskaj vobłaści.
Baćka pryščapiŭ luboŭ da futbołu, tolki praz toje, što ŭ savieckija časy, kali pa TB išło ŭsiaho dva kanały, jon usich vyhaniaŭ i my hladzieli futboł. Škaduju, što jon nie dažyŭ da siońniašniaha dnia, kab paradavacca za svajho syna.
Prapanovy jość, my ŭtrymlivajem ŭsich da kanca ŁČ, paśla ž nikoha trymać nia budziem, kali buduć hodnyja prapanovy.
Pytańni nastupnyja:
1) Jak Vy aceńvajecie stan fanackaha ruchu u Biełarusi? Ci mahčyma, što kali-niebudź u našaj krainie źjavicca admietnaja fanackaja kultura(jak naprykład u brytancaŭ, niemcaŭ, turkaŭ - ź pieśniami, kryčełkami, muzykaj, teatralnaściu i enerhietykaj)? Ci stanuć pośpiechi BATE tym šturškom, što ŭzdymie papularnaść futbołu ŭ našaj krainie i pryciahnie ludziej na stadyjony? Što jašče varta zrabić dziela ŭzdymu cikaŭnaści?
2) Raźvićcio ŭłasnaj akademii, staŭka na maładych talenavitych hulcoŭ - heta śviadomaja palityka kłuba, ci prosta vyjście ź niedachopu finansavańnia? Ci možna bačyć tut niejkija paraleli z tym šlacham jakim idzie Łondanski Arsienał naprykład?
Darečy ci daviałosia Vam razmaŭlać z Arsenam Vienhieram, kali byli ŭ Manaka? A ź inšymi słavutymi trenierami? Uvohule kaho ź vialikich ličycie dla siabie prykładam?
3) Jakimi zamiežnymi movami vałodaje Viktar Hančarenka?
Zahadzia ščyra dziakuju za adkazy, i jašče raz pośpiechaŭ Vam, Viktar, i ŭdačy na šlachu da futbolnych viaršyniaŭ!
Dziakuj za vinšavańni!
1. Mahu mierkavać tolki pa našym klubie. Źmieny iduć u lepšy bok. Ludzi, jakija za nas chvarejuć, robiać usio mahčymaje. Dumaju pryjdziem da taho momantu, kali buduć pieśni, ściahi. My znachodzimsia na pravilnym šlachu. Pieśniaŭ chaciełasia b, viadoma ž. Było pryjemna ŭžo toje, kali paśla matču ź Leŭskim narod 15 chvilinaŭ kryčaŭ «BATE!»
2. Niešta padobnaje jość. Pa-pieršaje, svaimi lahčej kiravać, pa-druhoje, jany bolš matyvavanyja, pa-treciaje, jany šmat pra hrošy nia dumajuć. Choć bieź lehijaneraŭ u sučasnym futbole ciažka dać rady. My na hetym vučymsia. Musić, varta było lacieć na losavańnie, zaviazvać novyja suviazi. Šuster, Rańjery, Advakat vielmi kvalifikavanyja specyjalisty, spadziajusia, siabroŭstva ź imi dapamoža ŭ karjery.
Ja prosta ŭ zachapleńni ad Ferhiusana. Stolki hadoŭ znachodzicca la styrna samaha tytulavanaha klubu ŭ śviecie, sam klub prahresuje, styl kamandy i futbalisty tolki prybaŭlajuć. Varta tut ža adznačyć i Arsena Venhiera. Padabajecca taja epatažnaść, pavodziny Žaze Maŭryńju, jakija pryvablivajuć uvahu fanaŭ, presy.
3. Na žal, heta istotnaja prablema. Nieadnakroć u hetym pierakonvaŭsia na stažyroŭkach, kali treba było adkazvać na interviju. Hetuju prablemu pastarajusia vypravić.
Maja žonka skončyła MDŁU, my ŭžo trochi prasunulisia. Spadziajusia prasoŭvacca pa hetym šlachu dalej.
U mianie dva pytańni. 1. U Barysavie absalutna haniebny, navat pa biełaruskich mierkach, stadyjon. Pra tabło i zhadvać nie chaču -- prosta niejki kałhas. Ci buduć jakija zachady pa palapšeńni? 2. Kim z novych futbalistaŭ BATE maje ŭzmacnicca pierad hulniami ŭ hrupie?
Dziakuj
Ja nia zhodny. U nas maleńki, utulny stadyjon, z vydatnaj futbolnaj atmasferaj. Da taho ž, usie kamisary ad ŁČ u rapartach adznačajuć jakaść pola. Mahčyma, niestaje dobrych raździavalniaŭ. Nakont tabło, jość narakańni, ale ich budziem vypraŭlać.
Pa-pieršaje, majem abmiežavańni UEFA. Kamanda-hość atrymlivaje 5 % miescaŭ na stadyjonie. Nie sumniajusia, što stadyjon budzie chvareć za nas. Vielmi chočacca, kab usie 40 tys. prysutničali na matčach Zenitu, Reału i Juventusu.
I voś paŭstała pytańnie jak ad mianie, tak i ad estonskich siabroŭ:čamu BATE vystupaje ŭ cišotkach,na jakich napisana na rasiejskaj movie?Niaŭžo tak ciažka rosta zrabić nadpis "Barysaŭ" i zamianić "Biełhosstrach"-niezrazumieła zusim i niejak dziŭna!
Zyčym pieramoh,upeŭnienaści i nadziei na lepšaje!
Žyvie biełaruski futboł!Žyvie Biełaruś!))
Biełdziaržstrach naš sponsar i my vykonvajem abaviazalnictvy pierad im, z pavahaj stavimsia da hetaj kampanii i vielmi ŭdziačnyja im i inšym našym sponsaram. Nia zhodny z tym, što varta pisać na niejkaj inšaj movie, chiba što na biełaruskaj. U čempijanacie Biełarusi movy my nia dzielim, ale zrazumieła što ŭ ŁČ mova budzie anhielskaja. Zrešty nia ŭsio tak prosta, zvažajučy na patrabavańni sponsaraŭ.
pytańnie pieršaje. jak Vy patłumačycie hety pośpiech (z pazicyi trenierskaha ŭniosku ŭ jaho) - chutčej niejkim trenierskim fartam, ci Vy bačycie ŭ siabie sapraŭdnyja zadatki treniera prafiesijnaha eŭrapiejskaha ŭzroŭniu?
druhoje pytańnie - ci Vas pazdraviŭ Jury Puntus i ci padtrymlivajecie Vy ź im prafiesijnyja adnosiny? naprykład, raiciesia ź im, dyskutujecie? ci jon pavinšavaŭ Vas ź pieramohaj? adzin ź pieršych?:)
treciaje pytańnie - ci Vy dobra razumiejecie pa-biełarusku i ci padtrymlivajecie (chacia b mientalna:)) demakratyčnych kandydataŭ nie vybarach prezidenckich ci ŭ parłamient?
dziakuj.
trymajciesia i zmahajciesia!
1. Pieršaje, kab hulać u ŁČ, treba hulać na maksymumie mahčymaściaŭ, dalej – udałaje losavańnie, treciaje – praca maja i trenerskaha štabu pa ŭstaranieńni mocnych bakoŭ supiernikaŭ. Ścipłaść maju, ale časam mahu być i niaścipłym.
2. Tak, sp.Puntus vinšavaŭ, vinšavaŭ ščyra, niahledziačy na našu kankurencyju ŭ ČB. Heta toj čałaviek, jaki vielmi dapamoh u žyćci našamu klubu, za što my jamu vielmi ŭdziačnyja.
3.Pra palityku nie chaču havaryć, heta nie maja sfera, u jakoj ja dyletant. Moj palityčny śvietapohlad utvaraje telebačańnie i presa i sam bajusia niešta skazać. Nakont movy, ja naradziŭsia i vyras u Chojnikach, dzie movaj była chutčej trasianka. Ale movu vielmi dobra razumieju.
Na moj pohlad, narod, jaki zabyvajecca svaju movu, idzie da pahibieli.
Ci adčuvajecca jakaja-niebudź padtrymka z boku kiraŭnikoŭ ABFF? Albo vaš vychad - heta tolki zajdraść dyj hałaŭny bol? Što budzie z kalendarom - niekatoryja hulni amal što nakładvajucca adna na adnu. Ci źmianilisia vašy adnosiny z druhimi trenierami biełaruskich klubaŭ?
Dziakuj za śviata! VIERYM MOŽAM PIERAMOŽAM!!!
Varta adznačyć, što federacyja ŭ asobie H.Niavyhłasa vielmi dobra dapamahaje. A nakont kalendaru, my nie hatovyja. Bo nie raźličvali na ŁČ, kali prymali kalandar, tut budziem šukać kampramisy. Adnosiny ź inšymi trenerami nie źmianilisia ni ŭ jaki bok, zastajucca takimi jak i raniej.
30 vieraśnia my vybirajem, z kim hulać, z «Savitam» ci ź «Juventusam», niejkuju hulniu treba budzie admianić, bolš schilajemsia da hulni ź «Juventusam». :)))))
Patrochu my futboł raźvivajem. U nas źjaŭlajucca štučnyja pali, što nam žyćciova nieabchodna, napr., dla vychavańnia dziaciej. I dalej, nam treba brać zamiežnyja metodyki, hišpanskija, italjanskija, halandzkija, i navučać našych treneraŭ.
Naprykład, u Hišpanii, na stažyroŭcy ŭ «Viljareale», ja staraŭsia zapomnić i ŭžyć kožnuju drobiaź tut, u Biełarusi.
Nivodzin stadyjon u Biełarusi nie adpaviadaje parametram ŁČ. Našmat bolš lajalnaje staŭleńnie da matčaŭ zbornych, bo tam kruciacca bolšyja hrošy.
My majem vydatnyja stadyjony ŭ Bieraści, Homieli, Viciebsku, ale heta tolki dla ČB.
Upeŭnieny ŭ adnym, nam nielha ŭsie 90 chvilin siadzieć u abaronie, abaviazkova treba kontaratakavać. Bolš upeŭnieny, što navat u adnoj sustrečy moža być usio, što zaŭhodna, a navat šaniec pieramahčy supiernika i ŭsio pieraviarnuć z noh na hałavu.
Dziakuj
Pytańni:
1 Jak vy stali trenieram BATE ŭ takim maładym uzroście?
2 Jakija płany na ŁČ?
Dziakuj za dobryja słovy.
Ja atrymaŭ traŭmu, jakaja akazałasia niesumiaščalnaj z futbołam, razryŭ kryžapadobnaj źviazki, menisk. Paśla taho pryniaŭ rašeńnie, što treba pierachodzić na trenerskuju ściažynu.
U mianie da vas try pytańni:
1.Nie ličycie Vy, što biełarusy časta prajhrajuć svaje matčy z-za "kompleksu niepaŭnavartaści" (nas jak nacyi), jaki ŭ nas siadzić u samych zdaŭna i jaki nam uvieś čas ubivajuć u hałovy našy "mocna adukavanyja kiraŭniki" dy "dobrazyčlivyja" susiedzi?
2.Nie ličycie Vy, što praktyka prodažu "luboj canoj" našych lepšych hulcoŭ u zamiežnyja kłuby jość zahannaja. Takim čynam mocna asłablajecca naš unutrany čempijanat, a razam z hetym i cikavaść da biełaruskaha futbołu ŭvohule. Našy susiedzi ŭkraincy, naprykład, robiać naadvarot, starajucca zachavać futbalistaŭ u nacyjanalnym čempijanacie. A kali pradajuć, to za vielmi vialikija hrošy. Tamu i liha ichniaja namnoha macniejšaja za našuju. My ž pradajem usio, što bolš-mieńš hraje, kab choć troški zarabić, a potym hublajem hody kab vyhadavać novych. A pažyŭšy kolki hod za "kardonam" jany potym vielmi časta i nie viartajucca na Radzimu. Tamu my hublajem u dvajnie?
3. Adnojčy ŭ kamandziroŭcy ja sustreŭ adnaho ŭkrainca, jaki raskazaŭ historyju jak u dalokim užo 1972 hodzie jon sa svaimi kalehami-futbalistami, zdajecca "Dniapra", damovilisia razmaŭlać ceły dzień tolki pa-ukrainsku. Ci mahčyma niešta padobnaje u biełaruskim futbole?
Dziakuj za adkazy.
U pieršuju čarhu, vam treba pierahladzieć svajo staŭleńnie da hetaha. Ja nie liču, što my niepaŭnavartasnaja nacyja, pytańnie ŭ tym, jakoje staŭleńnie majem da futbołu, chakieju i h.d.
Nie liču, što my pradajom futbalistaŭ, aby ich spłavić. Karennym čynam z hetym niazhodny. My zaŭsiody šukajem kampramis, kab futbalist pierajšoŭ u dobry klub, i kab potym moh dapamahać zbornaj. Da prykładu, moj dobry siabra Vital Kutuzaŭ, jaki žyvie ŭ Italii, nia maje namieraŭ tam zastacca, jon vierniecca i budzie dapamahać biełaruskamu futbołu.
Dobraje pytańnie. Vielmi sumniajusia, što takoje mahło być. Upeŭnieny što ciapier navat va Ŭkrainie ŭsie futbalisty razmaŭlajuć tolki pa-rasiejsku. U nas ža, upeŭnieny, mnohija movu razumiejuć, ale razmaŭlać zmožam tolki na trasiancy.
Ciapier BATE, byccam nacyjanalnaja zbornaja, dzie i trenier — nia niemiec, i hulcy ŭsie svaje. Dyj tojesnaści z barysaŭskaj družynaju bolš, čymsia z bałotnimi kolerami nacyjanalnaj.
Pośpiechu Vam.
Mnie padabajucca pryncypy ŭtvareńnia zbornaj Bernda Štanhie. Adzinaje, čaho nie razumieju i za što mahu pakrytykavać, heta toje, što ŭ štabie biełaruskaj zbornaj niama nivodnaha biełaruskaha treniera.
Ci nie nahoda pastavić nia tolki pierad barysaŭskimi ŭładami rubam pytańnie pra budaŭnictva ŭ horadzie stadyjona eŭrapiejskich standartaŭ na 25--30 miescaŭ -- z tym, kab tam časam mahła b hulać i zbornaja? Možna było b zekanomić na budaŭnictvie čarhovaha ladovaha pałacu...
Budzie budavacca “Traktar”, Dynama. Što da Barysava, u nas budzie sučasny stadyjon, ale treba kab na kožnaj hulni jon zapaŭniaŭsia na 7-8 tysiač. Što da ladovych pałacaŭ, heta ŭsio na karyść sportu, ale niestaje stadyjonaŭ dla futbołu, handbołu, baskietbołu, inšych vidaŭ sportu.
Hł. vyšej
Žadaŭ by spytać u Vas, jak dobra Vy viedajecie rodnyja movu i kulturu? Jak staviciesia da taho, što na zbornuju nie puščajuć ź bieł-čyrvona-biełymi ściahami?
Budu ščyra rady, jak Vy i hulcy budziecie kali-niekali razmaŭlać pa-rodnamu i ŭ hetym planie hetaksama staniecie pieršaprachodcami!
Dalejšych pośpiechaŭ! Tolki BATE! Tolki pieramoha!
Hladzicie adkazy vyšej.
Vielmi strašusia, kab kamanda nie machnuła rukoj na lihu Čempijonaŭ, dzie amal niama šancaŭ, i pačała vypraŭlać svaje spravy va ŭnutranym čempijanacie. Adsiul pytańnie. Viktar Michajłavič, jaki b vynik vy vybrali:
1.Prajhrać usie matčy u hrupie Lihi Čempijonaŭ biaz varyjantaŭ i supracivu, ale pieramahčy ŭ ČB.
2. Zaniać apošniaje miesca ŭ hrupie ŁČ nabraŭšy 4-5 ačkoŭ, ale zastacca ŭ ČB zusim biez uznaharod.
U maim słoŭnikavym zapasie nie isnuje słova «prajhrać». Chočacca vystupić udała ŭ ŁČ i stać čempijonam Biełarusi.
Jakija knihi čytajecie: Jakuju muzyku słuchajecie?
Lublu chakiej, bijatlon, vialiki tenis. Cikavić praktyčna ŭsio. Strašna lublu Formułu-1, dzie maja ŭlubionaja kamanda «Makłaren». Nakont muzyki – nijakich pieravahaŭ niama, heta pad nastroj. Knihi – heta rasiejskaja klasyka. Toje, što nie dabraŭ u škole, ciapier starajusia zapoŭnić, naprykład, «Majstar i Marharyta», «Braty Karamazavy» i h.d.
Viadoma ž, usim nam chočacca pracavać vyšej, dasiahać lepšych vynikaŭ. Budu tolki rady, kali ŭ svajoj karjery budu ŭznačalvać zbornuju. Pakul ja pracuju ŭ BATE, hetaja praca prynosić zadavalnieńnie.
Zaraz u Europie shmat bielarusau i my b khacieli padtrymac bielaruskuju druzhynu.Jak mozhna vyrashyc pytan'nie rezervacyi kvitkou?Kali mahchyma dajcie kali laska, numar teliefona ci e-mail.Dziakuj.
Pos'piekhu!
Zajdzicie na sajt www.fcbate.by E--mail fcbate(at)fcbate.by, club(at)fcbate.by
Priess-słužba dsn(at)pressball.nsys.by
Čto dla vas prioritietnieje: očieriednoje čiempionstvo v RB ili dostojnoje vystuplenije v hruppie ŁČ? Budietie li vy žiertvovať čiempionatom radi boleje sierjeznoj podhotovki k ŁČ?
Nie padzialaju hetych dvuch turniraŭ. Budziem hulać u ŁČ i vyjhravać u ČB.
Dziakuj za pieramohu.
Heta jaho prava. Nia budu ni nastojvać, umaŭlać, padšturchoŭvać. Kali zachoča, budu rady, a jak nie, to pastaŭlusia z razumieńniem.
1. UEFA užie prisłała miači?
2. Kakimi budietie miačami trienirovaťsia? Ili raznymi v zavisimosti ot nastupajeŝieho matča?
UEFA miačoŭ pakul nie prysłała. Adnosna jakaści miačoŭ, chočacca pakrytykavać našu federacyju ŭ hetym planie. Ja za toje, kab hulać adzinym uzoram miačoŭ. My adčuli heta na prykładzie hulni ŭ Baŭharyi, Belhii, dzie miačy lepšyja, chutčejšyja.
Našy ž vielmi chutka znošvajucca. I ja sumniajusia, što toj kolkaści, što my atrymali ad federacyi, nam nia chopić.
Chaciełasia b, kab miač byŭ bolš jakasnym.
Pytańni:1) Jak Vy miarkujecie, ci padobien charaktar hulni BATE ŭ kvalifikacyjnych raundach ŁČ na hulniu kłuba "Hłazha Rejndžars", jaki ŭ minułym siezonie zaniaŭ 3 miesca ŭ hrupie ŁČ i dajšoŭ da finału Kubka UEFA? Ci jość mahčymaści ŭ BATE paŭtaryć hety šlach? (albo navat pieraŭzyści jaho :) ?)
2) Na vašu dumku, jaki charaktar budzie nasić hulnia BATE na hrupavym etapie ŁČ?
Ničoha niemahčymaha niama. Usio moža być. My budziem vieryć u heta i rabić usio mahčymaje.
U mienia śledujuŝij vopros: ja nihdie nie smoh najti kakije-libo kommientarii našieho futbolnoho rukovodstva po povodu Vašieho uśpiecha v ŁČ, byli li voobŝie kakije-nibud́ pozdravlenija ot našich sportivnych činovnikov?
Prynamsi da nas u raździavalniu zachodzili spsp. Niavyhłas, Viarhiejenka, Dmitranica.
Niekalki moŭnych pytańniaŭ:)
Ci razmaŭlali vy ŭ dziacinstvie na biełaruskaj movie i jakoje ŭvohule ŭ vas staŭleńnie da jaje? Ci addali b vy svajho chłopčyka ŭ biełaruskamoŭnuju škołu/kłas i pry jakich umovach?
Kaliści byŭ pryjemna ŭražany proźviščami hulcoŭ na futbołkach žodzinskaha tarpieda na movie, ci mahčyma takoje ŭ BATE, chacia b u nastupnym sezonie?
Usio moža być. Nia baču prablemaŭ pamiž rasiejskaj ci biełaruskaj movaj.
Dobryj dień.
Podskažitie hdie budut prochodiť matči hrup. etapa ŁČ.stoimosť biletov i vozmožnosť ich dostať.
Stadyjon «Dynama», maksymalny košt 30000 rubloŭ.
"kudy bolš trapić hrošaj, što "zarabiła" BATE - u raźvićcio "haspadarki" BATE (invientar, placoŭki, infrastruktura)", u raźvićcio škoł futbołu (u Barysavie ci ŭvohule pa Biełarusi), ci ŭsio ž na nabyćcio novych hulcoŭ?"
"ci adbiraje BFF "zaroblenyja" hrošy?"
1. budiet li okazyvať pomoŝ bolelŝikam v posieŝienii vyjezdnych matčiej ŁČ, osobienno mienia intieriesujet Sankt-Pietierburh?
2. Vašie otnošienije k sokraŝieniju vysšiej lihi?
Pytańni nakont vyjezdu čakajem na poštu FK BATE.
Što datyčyć skaračeńnia, na samym pačatku sezonu ja byŭ suprać. Ale ciapier ja pierakanaŭsia, što šmat kamandaŭ nie adpaviadajuć uzroŭniu najvyšejšaj lihi. Miarkuju, treba prajści skaračeńnie. Adnym słovam, vielmi sumniajusia, što nam na hety momant treba 16 kamandaŭ.
***
Viktar Hančarenka Dziakuj za pytańni!
Prychodźcie na stadyjony, chvarejcie za nas u ŁČ, my pastarajemsia paradavać vas svajoj hulnioj!
***
Viktar Michajłavič Hančarenka naradziŭsia ŭ 1977 h. u Chojnikach Homielskaj vobłaści.
Haduniec chojnickaj spartovaj škoły i staličnaj respublikanskaj vučelni alimpijskaha rezervu (RVAR). Vystupaŭ za RVAR (1995—1997) i BATE (1998‑2002). Dvuchrazovy čempijon Biełarusi (1999, 2002). Karjeru hulca zavieršyŭ praz surjoznuju traŭmu.
Adukacyja vyšejšaja. U 2004 h. skončyŭ Biełaruskuju akademiju fizyčnaj kultury (trenier pa futbole). U 2004 — 2006 hh. pracavaŭ trenieram dublujučaha składu BATE.
Ź listapada 2007 h. — hałoŭny trenier BATE.
Kamientary
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Namierieny li Vy prihłasiť Anatolija Čubajsa, kotoryj rodiłsia i do 18 let žił v Borisovie, vojti v popiečitielskij soviet kłuba i okazať dieniežnuju pomoŝ kłubu?
Viktor, pozdravlaju Vas i kłub s pobiedoj!
Sašok