U Mahilovie abłasny sud vynies prysud fihurantam spravy tak zvanaj bandy Mołnara. Klučavoha fihuranta — 53-hadovaha babrujčanina Siarhieja Mołnara — pryhavaryli da 18 hadoŭ pazbaŭleńnia voli. Abviaščeńnie prysudu prajšło ŭ turmie №4, dzie i prachodzili ŭsie sudovyja pasiadžeńni. Praces byŭ zakrytym.
Spravu 30 žycharoŭ Babrujska abłasny sud Mahilova pačaŭ razhladać 14 sakavika na terytoryi turmy № 4. Hałoŭnaha fihuranta spravy Siarhieja Mołnara i jaho mierkavanych zmoŭščykaŭ abvinavacili ŭ stvareńni złačynnaj arhanizacyi, razbojach, vymahalnictvie, machlarstvie, vykradańni čałavieka, naŭmysnym źniščeńni i paškodžańni majomaści, nielehalnym abarocie narkotykaŭ i zbroi.
Sudu razhledzieŭ bolš za 100 tamoŭ kryminalnaj spravy, pa jakoj prachodziła bolš za 500 paciarpiełych. U materyjałach spravy fihuravała bolš za 80 złačynstvaŭ.
Niekatoryja svajaki abvinavačanych byli nie zhodnyja z abvinavačvańniem. 10 kastryčnika 2016 hoda niekalki maci padsudnych u znak pratestu stali pierad aŭtamabilem sudździ, što vioŭ praces, nie dajučy jamu ŭjechać na terytoryju turmy.
Za paŭhoda da hetaha svajaki abvinavačanych prasili zrabić sudovy praces adkrytym. Jany jeździli ŭ Minsk, kab pieradać zvarot na imia Alaksandra Łukašenki i trapić na pryjom da načalnika hałoŭnaha ŭpraŭleńnia pa ŭzajemaadnosinach z orhanami zakanadaŭčaj i sudovaj ułady, pytańniach hramadzianstva i pamiłavańnia Administracyi prezidenta Žańnie Ciščanka. Na pryjom jany nie patrapili, ale prašeńnie ŭ ich pryniali.
Dla Siarhieja Mołnara prakuror zapytaŭ 18 hadoŭ pazbaŭleńnia voli. Da takoha termina, pa słovach svajakoŭ, prysutnych na sudzie, jaho i pryhavaryli. Udzielnikaŭ tak zvanaj bandy baksioraŭ Arcioma Biłuškina i Jaŭhiena Abdurazakava prysudzili da 13-14 hadoŭ pazbaŭleńnia voli, Maksima Kudraŭcava - da 5,5 hadoŭ pazbaŭleńnia voli. Dzianisa Maksa (Den Babrujski, jakoha ŭ peŭnych kołach nazyvali «złodziejem u zakonie») prysudzili da 7 hadoŭ (stolki ž prasiŭ dziaržabvinavaŭca), byłoha rabotnika ahienctva pa dziaržaŭnaj rehistracyi i ziamielnym kadastry Illu Lińnika - da vaśmi hadoŭ.
Svajaki abvinavačanych paviedamili, što buduć abskardžvać prysudy.
Na zimu zapłanavanyja masavyja zatrymańni, składzienyja «pieršy i druhi śpisy»29
Kamientary