Suprać MUS viadziecca infarmacyjnaja vajna, zajaviŭ ministr unutranych spraŭ Biełarusi Ihar Šunievič 1 sakavika na pres-kanfierencyi ŭ Minsku.
«Milicyja nie vyhladaje biezdapamožnaj. Prosta niekatoryja žurnalisty vystaŭlajuć jaje ŭ takim śviatle», — padkreśliŭ jon.
«Adnak vajavać MUS ni z kim nie budzie, my vykonvali i budziem vykonvać pracu maksimalna prafiesijna. Kali parušeńnie zakona vidavočna, to pravaachoŭniki abaviazany reahavać.
Kali nas pravakujuć, nam chamiać, my budziem reahavać», — skazaŭ Šunievič.
Jon taksama adznačyŭ, što kožny ministr pavinien kłapacicca pra imidž svajho kalektyvu.
«Niama ŭ nas pijar-mieniedžara, moža, treba budzie ŭvodzić takuju pasadu, kali nie skončycca hetaja infarmacyjnaja vajna», — cytuje ministra Tut.by.
Tut.by pacikaviŭsia ŭ ministra, čamu nichto z pradstaŭnikoŭ viedamstva nie staŭ abmiarkoŭvać z žurnalistami situacyju źbitaha supracoŭnikami AMAPa ŭ Frunzienskim sudzie Paŭła Dabravolskaha.
«Chto ličyć, što naša viedamstva zakrytaje? — pacikaviŭsia ministr u prysutnych. — Bačycie, ruki padniali dva čałavieki z 45. My nie zakrytaje ministerstva».
Pa situacyi z Paŭłam Dabravolskim ministr zajaviŭ, što zaraz milicyja čakaje vyniki pravierki. «My čakajem pravierki Śledčaha kamiteta. Viedamstva vyniesie vierdykt, toje samaje zrobić i Hienprakuratura».
U Minsku pastaviać pomnik haradavomu, zajaviŭ Šunievič.
MUS niekalki źmianiła staŭleńnie da niesankcyjanavanych masavych akcyj, pryznaŭ Šunievič.
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8181
Kamientary