Abvieščanaja denaminacyja: z 2016 hoda ŭ Biełarusi źjaviacca maniety, a banknoty źmieniać vyhlad

U Biełarusi z 1 lipienia 2016 hoda budzie praviedziena denaminacyja. Jak paviedamili ŭ pres-słužbie kiraŭnika krainy, Alaksandr Łukašenka 4 listapada padpisaŭ ukaz №450 «Ab praviadzieńni denaminacyi aficyjnaj hrašovaj adzinki Respubliki Biełaruś».

Voś tak buduć vyhladać novyja hrošy:

Dakumientam pastanaŭlajecca pravieści z 1 lipienia 2016 hoda denaminacyju aficyjnaj hrašovaj adzinki Respubliki Biełaruś i zrabić zamienu pa 31 śniežnia 2016 hoda hrašovych znakaŭ uzoru 2000 hoda ŭ vyhladzie banknot na hrašovyja znaki ŭzoru 2009 hoda ŭ vyhladzie banknot i maniet u suadnosinach Br10 tys. va ŭzorach 2000 hoda da Br1 u hrašovych znakach ŭzoru 2009 hoda.

Pamiatnyja banknoty, vypuščanyja ŭ abaračeńnie Nacyjanalnym bankam, z 1 lipienia 2016 hoda padlahajuć pryjomu pry ŭsich vidach płaciažoŭ biez abmiežavańniaŭ u suadnosinach, pakazanych vyšej, pamiatnyja i źlitkavyja (inviestycyjnyja) maniety, vypuščanyja ŭ abaračeńnie Nacbankam, padlahajuć pryjomu pa naminalnym košcie pry ŭsich vidach płaciažoŭ biez abmiežavańniaŭ.

Ukazam ustanaŭlivajecca, što 1 biełaruski rubiel ŭzoru 2009 roŭny 100 biełaruskim kapiejkam ŭzoru 2009 hoda.

Z 1 lipienia pa 31 śniežnia 2016 hoda hrašovyja znaki ŭzoru 2000 hoda i hrašovyja znaki ŭzoru 2009 znachodziacca ŭ paralelnym zvarocie, abaviazkovym da pryjomu pry ŭsich vidach płaciažoŭ biez abmiežavańniaŭ u pakazanych vyšej suadnosinach.

Abmien hrašovych znakaŭ uzoru 2000 hoda na hrašovyja znaki ŭzoru 2009 hoda ažyćciaŭlajecca biez abmiežavańniaŭ i biez spahnańnia ŭznaharodžańnia z 1 studzienia 2017 hoda pa 31 śniežnia 2019 hoda — u Nacyjanalnym banku, bankach i niabankaŭskich kredytna-finansavych arhanizacyjach Respubliki Biełaruś, z 1 studzienia 2020 pa 31 śniežnia 2021 hoda — u Nacyjanalnym banku.

Z 1 lipienia pa 31 śniežnia 2016 hoda vytvorcy, pradaŭcy, pastaŭščyki, vykanaŭcy i ich pradstaŭniki pry pradastaŭleńni spažyŭcam infarmacyi ab prapanavanych tavarach (rabotach, pasłuhach) abaviazany ŭkazvać ceny (taryfy) u hrašovych znakach ŭzoru 2000 hoda i hrašovych znakach ŭzoru 2009 hoda.

Nacyjanalnamu banku daručana zabiaśpiečyć vypusk u abarot hrašovych znakaŭ uzoru 2009 hoda i vyvad z abaračeńnia hrašovych znakaŭ uzoru 2000 hoda z ulikam pałažeńniaŭ ukaza.

***

Pra denaminacyju biełaruskaha rubla i toje, jakimi buduć novyja hrošy, Alaksandr Łukašenka kazaŭ jašče ŭ krasaviku 2014 hoda.

Praviadzieńnie denaminacyi — pieradusim pijar-chod, zajaŭka na pieramieny pierad inaŭhuracyjaj. Adnak heta jašče i zajava na novy ekanamičny kurs.

Usie minułyja hady dziejničała madel inflacyjnaha rostu. Admova ad jaje — heta admova ad napampoŭvańnia ekanomiki pustymi hrašyma. Taki pavarot, kali ŭłady vytrymajuć jaho, aznačaje radykalnuju źmienc kursu.

Denaminacyja była patrebnaja ŭžo daŭno, ale inflacyjny šlach raźvićcia ekanomiki nie dazvalaŭ Prakapoviču i Jermakovaj navat zaikacca pra adkidvańnie nuloŭ. Ciapier ža kamanda Nacbanka dekłaruje hałoŭnaj metaj nie naroščvańnie VUP, a stabilizacyju inflacyi, chacia b da ŭzroŭniu nižej za 10%.

• 0
• 0
• 0
• 0
• 0
• 0