Pakul vakcyna dakazała efiektyŭnaść na małpach.
Vyniki daśledavańnia mižnarodnaj hrupy navukoŭcaŭ z NDI Skrypsa ŭ Kalifornii, ZŠA apublikavanyja ŭ časopisie Science.
Mietodyka navukoŭcaŭ nie prosta rychtuje imunnuju sistemu da sustrečy ź infiekcyjaj — jana madyfikuje DNK, kab nadać ustojlivaść kletkam da VIČ.
U zdarovyja kletki ciahlic užyŭlajecca novy raździeł DNK, u jaki zapisanyja «instrukcyi» pa vypracoŭcy admysłovaha białku, što budzie vydavacca ŭ kravatok i niejtralizoŭvać ataki VIČ.
Prablema stvareńnia vakcyny ad VIČ — niaspynnaja mutacyja virusu, praź jakuju nielha padrychtavać arhanizm da vypracoŭki kankretnych antycieł. Novaja mietodyka stvaraje «fabryku» aktualnych u baraćbie ź virusam antycieł u samim arhaniźmie.
Pakul ekśpierymienty pravodzilisia na małpach z anałaham VIČ — virusam SHIV.
Vakcyna paśpiachova błakuje virus ciaham prynamsi 34 tydniaŭ, navat pry 16-kratnaj dozie virusu. Doŭhaterminovy efiekt vakcyny pakul nie daśledavany.
Nastupnymi etapami stanuć madernizacyja vakcyny pad lekavańnie užo zaražanych virusam małpaŭ i testy na ludziach. Apošniaje mahčyma ŭžo da kanca biahučaha hodu. Navukoŭcy spadziajucca, što srodak moža nie tolki baranić ad virusu, ale i vyklikać tryvałuju remisiju ŭžo chvorych na VIČ.
***
Virus imunadeficytu čałavieka viadomy z 1980-ch hadoŭ. Virus pieradajecca ad čałavieka da čałavieka praz kroŭ, pry nieabaronienych połavych kantaktach, pry vykarystańni zaražanych šprycoŭ, ad maci da dzicia, a taksama pry paškodžańni skury ci śliźnicy. Terminalnaja stadyja VIČ-infiekcyi — sindrom nabytaha imunadeficytu (ŚNID). Ad jaho štohod pamirajuć blizu 2 miljonaŭ čałaviek. Na siońnia niama nadziejnaha srodku pazbaŭleńnia ad VIČ.
Minčanka pakinuła stanoŭčy vodhuk na sumku — i raptam vykryła zdradu čužoha muža18
Kamientary