Nie padumajcie, što ja suprać pradukcyi kankretnaha zavoda. Prosta na maju prośbu znajomyja kupili pieršyja lepšyja sasiski. Skład praduktu vielmi typovy dla dadzienaj katehoryi miasnych vyrabaŭ. Raźbirajem abjektyŭna.
Poŭnaja nazva: «Vyrab kaŭbasny varanyja miasny sasiski doktarskija vyšejšaha hatunku astudžanyja».
Składniki:
· Śvinina
· Jałavičyna
· Tłušč-syrec jałavičny
· Melanž
· Małako suchoje abiastłuščanaje
· Sumieś pasołačna-nitrytnaja (sol jodavanaja, stabilizatar koleru nitryt natryju)
· Sol jodavaja charčovaja (ahient suprać źležvańnia Je536)
· Kompleksnaja charčovaja dabaŭka (prypravy i ekstrakty prypravaŭ časnok, pierac, muškatavy arech, kardamon)
· Emulhatary pirafasfaty, tryfasfaty
· Cukar
· Sol
· Uzmacnialnik hustu i vodaru hlutamat natryju 1 — zamieščany
· Antyakiślalnik askarbinavaja kisłata
· Kompleksnaja charčovaja dabaŭka (zahuščalniki: huaravaja kamiedź, ksantanavaja kamiedź)
· Kompleksnaja charčovaja dabaŭka (zahuščalniki: karahinan, karahinan z vodaraściaŭ, ksantanavaja kamiedź, huaravaja kamiedź, sol)
· Charčovaja dabaŭka (cukar, sol, farbavalnik naturalny karmin)
Takim čynam, miasny vyrab naličvaje kala 20 składnikaŭ, u tym liku 8 štučnych dabavak. Spynimsia padrabiaźniej na troch ź ich. Ale spačatku — karotkaje tłumačeńnie nakont štučnych dabavak, abo tak zvanych Je-numaroŭ.
Je-numary źjaŭlajucca kodami dla rečyvaŭ, jakija mohuć być vykarystany ŭ jakaści charčovych dabavak u Eŭropie. «Je», darečy, abaznačaje Europe. Acenka biaśpieki i zaćviardžeńnie dabavak uvachodziać u abaviazki Eŭrapiejskaha viedamstva biaśpieki charčovych praduktaŭ.
Adziny śpis dla štučnych charčovych farbavalnikaŭ byŭ upieršyniu uzhodnieny ŭ 1962 hodzie. U 1964 da śpisu dadalisia kanservanty, u 1970 — antyaksydanty, a u 1974 — emulhatary, stabilizatary, zahuščalniki i hieleŭtvaralnyja ahienty.
Zakanadaŭstva patrabuje, kab dabaŭki i ich funkcyi byli vyrazna paznačanyja ŭ śpisie inhredyjentaŭ. Vytvorca moža vybirać sam — ukazvać na etykietcy poŭnuju nazvu dabaŭki abo tolki jaje numar. E-kod aznačaje, darečy, što jon prajšoŭ vyprabavańni na biaśpieku i byŭ uchvaleny dla vykarystańnia.
Sol jodavanaja charčovaja (ahient Je536)
Na dadzienaj etykietcy vytvorca nazvaŭ ŭsiaho tolki adnu dabaŭku E-kodam: ahient suprać źležvańnia Je536. Mahčyma, pieravaha była addadziena kodu, pakolki alternatyŭnaje nazva hetaha kampanenta — feracyjanisty kalij. Tak, (u aznačanych dazvolenych miežach) feracyjanisty kalij uchvaleny da vykarystańnia ŭ charčovaj pramysłovaści Eŭrapiejskim viedamstvam biaśpieki charčovych praduktaŭ. Sam pa sabie Je536 mocna taksyčny.
Stabilizatar koleru nitryt natryju: padvyšaje ryzyku zachvorvańnia na rak toŭstaj kiški
U 2007 hodzie byŭ apublikavany dakład Suśvietnaha fondu daśledavańniaŭ raku (WCRF). U hetym dakładzie byli sabranyja i apracavanyja vyniki tysiač hlabalnych daśledavańniaŭ. Na asnovie vynikaŭ daśledavańniaŭ WCRF zrabiŭ peŭnyja vysnovy i vynies 10 rekamendacyj, pierakładzienych na prostuju spažyvieckuju movu. Rekamendacyja numar 5 hučyć nastupnym čynam:
«Pradukty žyviolnaha pachodžańnia: abmiežavać spažyvańnie čyrvonaha miasa i ŭvohule paźbiahać spažyvańnia apracavanaha miasa. Ludzi, jakija jaduć čyrvonaje miasa, pavinny imknucca spažyvać mienš za 500 h (18 uncyj) na tydzień, pry hetym pažadana, kab hetaje miasa było padvieržana minimalnaj pramysłovaj apracoŭcy.»
Dokazy taho, što spažyvańnie čyrvonaha miasa i pierapracavanaha miasa mohuć vyklikać rak toŭstaj kiški, dosyć pierakanaŭčyja. Adna z teoryj nakont suadnosinaŭ pamiž spažyvańniem miasa i ŭźniknieńniem raku datyčycca nitrytaŭ. Nitryty vykarystoŭvajucca dla zachavańnia apracavanaha miasa, bo jany nadzvyčaj taksyčnyja dla bakteryj^; jany taksama nadajuć miasu peŭny koler i smak. Nitryty mohuć reahavać z praduktami raskładańnia aminakisłot i ŭtvarać tak zvanyja N-nitrazłučeńni (nitrazaminy ci nitrazamidy). Hetyja złučeńni mohuć być sfarmiravanyja ŭ miasie jak padčas apracoŭki, tak i ŭ arhaniźmie (asabliva ŭ straŭniku) ad nitrytaŭ abo nitrataŭ, jakija prysutničajuć u charčavańni. Niekalki N-nitrazazłučeńniaŭ viadomyja jak žyviolnyja i čałaviečyja kancerahieny (rečyvy, jakija mohuć spravakavać uźniknieńnie raku).
Uzmacnialnik hustu i vodaru hlutamat natryju
Hlutamat natryju (E621) ujaŭlaje saboj kryštali abo kryštaličny parašok biełaha koleru praktyčna biaz pachu z charakternym smakam.
Dobra viadomy tak zvany «syndrom kitajskich restaranaŭ» (ščodra ŭžyvajecca u kitajskich charčoŭniach), źviazany z užyvańniem u jakaści prypravy vialikaj kolkaści hlutamata natryju. Hety syndrom vyjaŭlajecca ŭ słabaści, sercabićci, stracie adčuvalnaści ŭ vobłaści patylicy i śpiny.
Daśledavańni pakazvajuć, što rehularnaje spažyvańnie E621 moža vyklikać niespryjalnyja pabočnyja efekty, takija jak mihreń, depresija, paškodžańni vačej, stomlenaść. Akramia hetaha, kažučy prosta, E621 vyklučaje mechanizm nasyčeńnia, z usimi vynikajučymi nastupstvami — pierajadańniem, atłuścieńniem.
Inšyja krynicy hlutamatu natryju: bulonnyja kubiki, chutkarastvaralnyja supy i łokšyna, čypsy, piečyva.
Tyja, kaho cikaviać takija zahuščalniki jak ksantanavaja kamiedź Je415, mohuć pračytać pra ich u maim raniejšym artykule pra johurt.
Niahledziačy na vializnuju kolkaść kanservantaŭ, termin zachoŭvańnia sasisak doktarskich usiaho 10 dzion.
Kamientary