Znajści
Ałharytmičny łacinski varyjant
20.04.2024 / 17:3930RusŁacBieł

Ad «hnidy» da «Uładzimira Alaksandraviča». Łukašenka znoŭ zapavažaŭ Zialenskaha

Jak i čamu źmianiłasia rytoryka biełaruskaha palityka ŭ dačynieńni da prezidenta Ukrainy.

Alaksandr Łukašenka i Uładzimir Zialenski. Fota: TASS

Za źmienami na praciahu dvuch hadoŭ vajny prasačyła vydańnie UDF.

Alaksandr Łukašenka nikoli nie chavaŭ, što nieŭzabavie paśla napadu Rasii na Ukrainu razmaŭlaŭ pa telefonie z Uładzimiram Zialenskim i hetyja znosiny byli vielmi ciažkimi. Ale jakuju leksiku ŭ toj momant vykarystoŭvali dva palityki, tak i zastałosia zahadkaj.

Publična kiraŭnik Biełarusi z samaha pačatku vajny hulaŭ na baku Uładzimira Pucina i zaklikaŭ prezidenta Ukrainy jak maha chutčej zdacca i pajści na pieramovy.

Padčas refierendumu ŭ Biełarusi 27 lutaha 2022 hoda Łukašenka ŭ źnievažalnym tonie prakamientavaŭ zvarot Zialenskaha da biełaruskaha naroda:

«Zusim niadaŭna «mały napaleončyk» (prabačcie, što ja tak pra jaho kažu) źviarnuŭsia da biełaruskaha naroda z nahody refierendumu. Jak byccam va Ukrainie bolš niama čym zajmacca, jak z bunkiera viaščać biełaruskamu narodu i raić, što im zrabić. Tak i chočacca skazać, što prapanujuć paŭtaryć nam los Ukrainy».

Adnak takaja publičnaja leksika nie pieraškodziła Łukašenku ŭ toj ža dzień stelefanavacca z ukrainskim lidaram, kab damovicca pra pieramovy jahonych pradstaŭnikoŭ z rasijanami ŭ rajonie raki Prypiać.

«Ja Zialenskamu skazaŭ. Jon mianie, praŭda, u hetym papraknuŭ: «Ty prymaješ paranienych!» Ja kažu: Prymaŭ i budu prymać. My ich lečym, ratujem»», — raskryŭ niekatoryja padrabiaznaści Łukašenka.

Kali rasijski blickryh nie zadaŭsia, Łukašenka pierastaŭ zaklikać Zialenskaha zdacca i publična zaniaŭ pazicyju ŭ rečyščy prapahandy RF: nibyta prezidentam Ukrainy kiruje Zachad.

Uvosień 2022 hoda ŭ samicie ADKB u Jerevanie Łukašenka ŭ prysutnaści Pucina niby pasprabavaŭ zrabić jamu pryjemna, znoŭ źviarnuŭšysia da abraźlivaj leksiki:

«Vyjšaŭ [Zialenski] tam u maječcy, jašče ŭ niečym. U hetaj niapranaj koftačcy doŭhi čas (składvajecca takoje ŭražańnie), pavitaŭ, kamuści ruku pacisnuŭ. Jany jamu na dźvieście miljonaŭ dalaraŭ padkinuli «Chajmarsy» ci jašče niejkija tam «Džavieliny». Jamu praściej: jon syty, jon nakormleny, jon, napeŭna, nie pakutuje biez elektryčnaści i inšaje. Ale ž miljony ludziej, ukraincaŭ, pakutujuć».

Hetyja słovy vyhladali dzika z ulikam taho, što i Łukašenka, i Pucin žyvuć u maksimalna kamfortnych umovach i aharodžanyja ad znosin z narodam.

Zatym rušyŭ uśled etap, kali praktyčna adnačasova nielehitymny kiraŭnik Biełarusi nazyvaŭ prezidenta Ukrainy «niadrennym čałaviekam» i razam z tym čałaviekam, jaki «źniščaje» svaju krainu.

Sapraŭdny prystup z Łukašenkam adbyŭsia ŭ sakaviku 2023 hoda, kali na aeradromie ŭ Mačuliščach byŭ padarvany rasijski samalot-vyviednik A-50.

«Ja jašče niejak dumaŭ, što Ukrainie patrebny mir, što Zialenski chvareje za svoj narod. Prezident Zialenski — prosta hnida. Prosta hnida! Takija apieracyi nie pravodziacca biez uzhadnieńnia z kiraŭnikom krainy i hałoŭnakamandujučym», — nie strymaŭsia palityk.

Druhi etap: apraŭdańnie dziejańniaŭ Zialenskaha i zvaroty z pavahaj da jaho.

Prykładna ź leta 2023 hoda leksika Łukašenki ŭ dačynieńni da prezidenta Ukrainy stała prykmietna mianiacca, abraźlivyja vykazvańni zusim źnikli.

«Tak što tut nie tolki Zialenskaha treba vinavacić. Tak, jon vinavaty, što jon nie spraviŭsia ŭ hetaj situacyi. A kamu było lahčej? Što, Pucinu było lahčej, kali jon staŭ prezidentam? Ci biełarusam było lahčej?» — pačaŭ u razrez z rasijskaj prapahandaj trochi apraŭdvać Zialenskaha biełaruski dyktatar.

Uvosień minułaha hoda Łukašenka adznačyŭ, što «Zialenski pavodzić siabie absalutna pravilna». Praŭda, jon mieŭ na ŭvazie toje, što Zachad nibyta nie vykonvaje pierad im uziatyja na siabie abaviazacielstvy pa akazańni dapamohi, tamu prezident Ukrainy vymušany nahadvać pra abiacańni.

U 2024 hodzie «Vałodzia» staŭ «Uładzimiram Alaksandravičam».

Havoračy pra Połk Kalinoŭskaha, kiraŭnik Biełarusi ŭ krasaviku adznačyŭ:

«Ale ja hladžu, chaj tonka, akuratna, ale navat Vałodzia Zialenski pačynaje čaplać nas i prybłytvać niezrazumieła da jakich pracesaŭ. Voś ja nie viedaju, Uładzimiru Alaksandraviču Zialenskamu, navošta heta. Pahladzicie na pavodziny prezidenta Rasii. Jon vielmi akuratny, aściarožny. Jon razumieje: rana ci pozna, usio roŭna da miru pryjdziem. Jaki mir budzie — heta ŭžo zaležyć ad ich, heta nie naša pytańnie. Ale Biełaruś spakojnaja, miralubnaja im patrebnaja budzie.»

Tydzień tamu pry vizicie ŭ Maskvu Łukašenka ledź nie vyharodžvaŭ Zialenskaha pry znosinach z rasijskimi žurnalistami, jakija spytali ŭ palityka, jak razmaŭlać z aficyjnym Kijevam paśla teraktu ŭ «Krokus Sici Chole».

«Čaho vy budziecie poŭzać pierad kimści i prasicca pahavaryć pra «Krokus». Ciapier treba da kanca razabracca. Ukraincy ŭkraincami. Ale za ŭkraincami, vy pravilna vyjavili, stajać peŭnyja siły. Vy taksama ich viedajecie. Voś z tymi treba razmaŭlać. A ŭkraincy tut patrony padnosili», — zajaviŭ Łukašenka.

Na nastupny dzień jon znoŭ vykazaŭsia pra Zialenskaha davoli pavažliva, niachaj i ŭ kantekście ahučvańnia niepraŭdzivych źviestak.

«Nie chaču, kab Uładzimir Alaksandravič Zialenski pakryŭdziŭsia na mianie — ja ŭčora prezidentu Pucinu pra heta kazaŭ, paraŭnoŭvaŭ. My vielmi ŭvažliva nazirajem, što adbyvajecca ŭnutry Ukrainy. Hałoŭnaje — heta ŭnutry. U pačatku SVA Vałodziu Zialenskaha padtrymlivali amal 98%. Siońnia adroźnivajucca ličby. Chtości kaža 34%, a apošnija źviestki ŭ rasijan — kala 14%. Samy vysoki rejtynh u Załužnaha — 35%. Usio roŭna niašmat. Bačycie, jakoje padzieńnie, kali kazać pra prezidenta», — skazaŭ Łukašenka.

U čym mohuć zaklučacca pryčyny rytoryki kiraŭnika Biełarusi, jakaja źmianiłasia? Jany davoli vidavočnyja. Jak u Kijevie aścierahajucca lišni raz złavać Łukašenku, kab toj nie adkryŭ suprać Ukrainy druhi front, tak i ŭ Minsku bačać, što bajazdolnaść USU ŭ razy vyšejšaja, čym biełaruskaj armii. Vajennaj parazy Ukrainy ŭ vajnie z Rasijaj čakać nie varta.

A jašče pad kantrolem Kijeva biełaruskija dobraachvotniki, jakija marać zrušyć z tvaru ziamli režym Łukašenki. Tak što kiraŭnik Biełarusi vymušany dumać pra svaju budučyniu i pra toje, jak nie pieratvaryć ukrainskija ŭłady ŭ svaich zaklatych vorahaŭ.

Čytajcie taksama:

Zialenski pabyvaŭ na miescy rasijskich udaraŭ pa Dniapry

Krainy NATA vyrašyli pieradać Ukrainie dadatkovyja srodki supraćpavietranaj abarony

Uładzimir Zialenski naviedaŭ vajskoŭcaŭ, jakija abaraniajuć Časaŭ Jar

«Heta hańba dla śvietu». Zialenski raskrytykavaŭ namier ZŠA raździalić pytańnie vajskovaj dapamohi Izrailu i Ukrainie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
22
Панылы сорам
15
Ха-ха
44
Ого
9
Сумна
14
Абуральна
47
1
nie anhlija/adkazać/
21.04.2024
Kromviel, jeśli ubrať hranty to nikakich mošieńnikov nie ostanietsia v oppozicii. zapad ich svoimi rukami rastit 
0
Krik/adkazać/
21.04.2024
hoblen, nieužieli hrubovato ? :) Nie "ty" ? Uvažienije zasłuži, i budiet tiebie vy. :) Nu, i čiepuchu mołoť pieriestań jeŝio. Ja otvietił tiebie na vsie voprosy. Łatvija 1940. Nievojennaja okkupacija. 30 let otpravlała svoich parniej słužiť v SA, prazdnovała pobiedu bolšievistskoj rievolucii, i dień roždienija Lenina. I nikto žie ich sapiernymi łopatkami nie bił, i riezinovymi pałkami tožie... Ludi vinovaty, da ? Nu, nie boroliś s okkupantami, naviernoje očień ich lubili... :)) I v Čiechii ludi vinovaty ? Oni žie priekratili protiesty v 1968-m. Lidiery pošli v tiuŕmy, i nikto nie vystupił v ich zaŝitu, vsie sosriedotočiliś na chokkieje, stało byť, śleduja tvojej łohikoj... :)) I polaki priekratili protiesty v 1981-m., oni vinovaty, čto nie pobiedili, i čto ciełych 10 let potom jezdili v SSSR za utiuhami i čajnikam... Čto skazať, ołuch, ty i jesť ołuch.
0
hoblen/adkazać/
21.04.2024
Krik, a vaŝie, vieś etot potok soznanija pro uvažienije, kotoroje nado, moł, zasłužiť, tohda i budu sobludať bazovyje priličija, hoblenu pokazałso zaniatnym! Eto srodni tomu, čto skazať, ja nie budu smorkaco v zanavieski pri usłovii uvažienija k nim! :))) da, sošliś kołchoźniki ducha na barrikadach!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera