Стала вядома, дзе і калі адбудзецца развітанне з Адамам Мальдзісам
Развітанне з Адамам Мальдзісам пройдзе ў сераду, 5 студзеня, у Чырвоным касцёле ў Мінску. Адпяванне пачнецца ў 11 гадзін.
Адам Мальдзіс — патрыярх беларускай гуманітарыстыкі. Ëн быў выдатным знаўцам літаратуры ХІХ стагоддзя і жывым мостам між Беларуссю і беларусазнаўцамі ўсяго свету.
Мальдзіс быў блізкім сябрам Уладзіміра Караткевіча і пакінуў пра яго цёплыя ўспаміны. Кніга «Жыцце і ўзнясенне Уладзіміра Караткевіча» (1990) зусім не састарэла.
Іншы яго інтэлектуальны бестсэлер — «Беларусь у люстэрку мемуарнай літаратуры XVIII стагоддзя: нарысы быту і звычаяў».
Мальдзіс нарадзіўся на Астравеччыне і ўсім сэрцам любіў гэты край.
Нашаніўцы памятаюць, як ужо 84-гадовым ён прыйшоў у рэдакцыю, каб асабіста прынесці ліст пратэсту супраць зразання дубоў у Астраўцы.
Адам Мальдзіс: «Я адмоўлюся ад звання ганаровага грамадзяніна Астраўца, калі дубы зрэжуць!»
Жонка спадара Мальдзіса і ягоны сын Алег памерлі раней за яго.
Беларускую справу бацькі працягвае яго сын Яраслаў.
«Дамоклаў Меч». Канал «Белорусскій сіловік» настолькі прарасійскі, што многія меркавалі, што гэта расіяне яго вядуць. Не, за ім стаіць суперагент Лукашэнкі13
Каментары