Улада

Стала вядома, дзе знаходзіцца Сяргей Румас і ў чым сэнс прэтэнзій да яго

У сетцы шырацца сцвярджэнні пра затрыманне былога прэм'ер-міністра Сяргея Румаса. Наводзяць туману ні адказы жонкі: «Муж не дома», ні каментары КДБ: «Не можам пацвердзіць, не можам абвергнуць». 

«Наша Ніва» паспрабавала разабрацца ў сутнасці таго, што адбываецца.

Найперш, паводле нашай інфармацыі, Сяргей Румас на волі і знаходзіцца ў адной з заходніх краін, дзе жывуць яго старэйшыя сыны (адзін у Італіі, другі ў Брытаніі) — ён паехаў на дзень народзінаў і яшчэ не вяртаўся ў Беларусь. 

Адкуль тады могуць паўзці чуткі аб затрыманні? 

Як вядома «Нашай Ніве», учора шэраг банкіраў выклікалі ў Дэпартамент фінансавых расследаванняў. Пасля допытаў выйшлі на свабоду не ўсе.

Па непацверджанай пакуль інфармацыі, затрыманы былы старшыня праўлення Белінвестбанка Генадзь Сысоеў — блізкі сябра Румаса, разам яны ішлі і па працы, і па жыцці. Сысоеў некалі быў намеснікам Румаса ў Белаграпрамбанку, апошнім часам узначальваў праблемны «Барысаўдрэў».

Румас асабіста паручаўся за таго ў складаныя моманты жыцця, калі Сысоева знялі з пасады кіраўніка Белінвестбанка і ледзь не пасадзілі.

Выглядае, што прычынай лютаўскіх падзей стаў яшчэ адзін блізкі Румасу чалавек — бізнэсмен Ігар Чарняўскі. Ён кіраўнік і сузаснавальнік Тураўскага малочнага камбіната (Тураў — малая радзіма Румаса — «НН»). Гэты камбінат пабудавалі літаральна ў чыстым полі, першую прадукцыю — сыры — ён выпусціў у 2013-м.

Наколькі вядома «Нашай Ніве», сэнс прэтэнзій кантралёраў у тым, што прадпрыемства прыватнай формы ўласнасці з парай фізічных асобаў у якасці заснавальнікаў будавалася і паўставала за дзяржаўныя грошы — у тым ліку за грошы Белаграпрамбанка ў часы, калі ім кіраваў Румас.

«У Тураўскага камбіната было некалькі дзяржаўных крэдытораў, яго ўпісалі ў адпаведную дзяржпраграму «развіцця прыпяцкага Палесся». Не ведаю, ці быў ільготным працэнт карыстання крэдытам — імаверна, калі дзяржава раптам успомніла», — кажа абазнаная крыніца. 

Адметна, што на пачатак 2020 года гэты прыватны завод быў на мяжы банкруцтва, прытым што ў інвестыцыйны план закладаўся сямігадовы тэрмін акупляльнасці — акурат у 2020-м ён меўся пачаць прыносіць прыбытак. 

Скрыншот вынікаў аўдыта кампаніяй «РСМ Бел Аудыт»

Гісторыя з выдачай дзяржкрэдытаў непаспяховаму заводу даўняя — ёй больш за 10 год. Але, як нам вядома, па ёй у тым ліку цяпер дапытваюць людзей.

Мабільны тэлефон Чарняўскага цяпер недаступны. Некалі гэты прадпрымальнік таксама быў уласнікам адной з найбольшых сетак крамаў — «Родная старонка». Бізнэсу прыйшоў канец пасля краху ўкраінскага акцыянера «Дэльта-банка» Мікалая Лагуна — партнёра Чарняўскага па «Роднай старонцы». 

Яшчэ адзін бок гэтага сюжэту — пытанні па выдадзеных крэдытах на дрэваапрацоўку. Але дакладнай інфармацыі пакуль няма, вядома толькі, што ў рамках гэтай гісторыі затрымліваліся, а магчыма, і цяпер застаюцца пад вартай два менеджары Банка развіцця. 

Ці ёсць тут палітычны складнік? Знаёмыя з сітуацыяй кажуць, што калі векапомнае фота сямейнай пары Румасаў на фоне пратэстаў і паўплывала на развіццё гісторыі, то толькі ўскосна — маўляў, яшчэ вясной 2020-га Дзяржкантроль пачынаў актыўна цікавіцца гісторыямі з малочным заводам і дрэваапрацоўкай.

Каментары

«Яна пагражала мне фізічна, нападала сэксуальна». Аляксандр Рыбак скардзіцца на сталкерку3

«Яна пагражала мне фізічна, нападала сэксуальна». Аляксандр Рыбак скардзіцца на сталкерку

Усе навіны →
Усе навіны

​Арнольд Шварцэнэгер стане нямецкім доктарам1

Гарадзенку з хатняй хіміі будуць судзіць паўторна. За «паклёп на Лукашэнку» ёй пагражае да 6 гадоў

Латыша затрымалі ў Беларусі за бела-чырвона-белую палоску на каўняры курткі?12

Расійскія вайскоўцы засеклі мячом украінскага палоннага і знялі на відэа7

У Пецярбургу забілі палітактывіста Віталя Іофе11

Турыста з Санкт-Пецярбурга знайшлі мёртвым у возеры ў Глыбоцкім раёне. Цела пабачыла жонка1

У Расіі каліноўца Яна Дзюрбейку чамусьці абвесцілі ў вышук і сабраліся судзіць завочна. Хоць ён быў у іх у палоне1

У Беларусі хочуць скараціць нормы бяспошліннага ўвозу тавараў самалётам

Беларус, які абвясціў галадоўку ў Клайпедзе, выйшаў з бальніцы і працягвае акцыю пратэсту5

больш чытаных навін
больш лайканых навін

«Яна пагражала мне фізічна, нападала сэксуальна». Аляксандр Рыбак скардзіцца на сталкерку3

«Яна пагражала мне фізічна, нападала сэксуальна». Аляксандр Рыбак скардзіцца на сталкерку

Галоўнае
Усе навіны →