Самы скандальны токен 2024 года перажыў яго ненадоўга. Hamster Kombat закрываюць
Самы папулярны токен 2024 года Hamster Kombat блізкі да канчатковага закрыцця. Крыптабіржа Bybit анансавала ягонае будучае выключэнне з лістынга. Рашэнне тлумачыцца нізкай ліквіднасцю.

У верасні стваральнікі правялі лістынг токена HMSTR, але курс манеты на крыптабіржы хутка абваліўся, а гульцы страцілі ўсе укладзеныя ў телеграм-гульню сілы. Ужо да лістапада Hamster Kombat страціў 58% аўдыторыі (замест 110 мільёнаў на бот былі падпісаныя толькі 45,9 мільёна), а цяпер, у студзені 2025-га, іх засталося 16 мільёнаў.
Цяпер жа завяршылася і прасоўванне Hamster Kombat на крыптарынку. Біржа Bybit абвясціла аб выключэнні спотавай пары HMSTR/EUR з лістынга, прычына — нізкая ліквіднасць.
«Гэтае рашэнне прынята ў адпаведнасці з пратаколам дэлістынгу, мэтай якога з'яўляецца забеспячэнне найлепшых умоў гандлю і абарона трэйдараў ад рэзкай валацільнасць цэнаў», — гаворыцца на сайце пляцоўкі.
Курс манеты Hamster Kombat сапраўды крытычна падае. На самай папулярнай крыптабіржы Binance па стане на 15:00 18 студзеня 2025 года курс токена «Хамяка» складаў $0,003.
На старце продажаў паказчыкі токена дасягалі $0,011, а да кастрычніка ўпалі да адзнакі $0,004. У лістападзе курс трошкі павялічыўся, але гэтага ўсё адно не хапіла для нармальнага гандлю на рынку.
У Bybit удакладнілі, што спыняць гандаль HMSTR/EUR 24 студзеня ў 8:00 UTC (11:00 па Мінску), але працягнуць падтрымку спотавых пар HMSTR/USDT і HMSTR/USDC.
Токен «Хамяка» па-ранейшаму можна будзе вывесці, але пасля 24 студзеня ўсе адкладзеныя ордэры будуць аўтаматычна выдаленыя.
Мільёны людзей няспынна клікаюць на выяву хамяка на тэлефоне, каб атрымаць грошы. Як гэта працуе?
Арганізатары Hamster Kombat раздалі манеты. Колькі атрымалі ўдзельнікі?
Расійскі след у шалёна папулярнай гульні Hamster Kombat усё больш відавочны
Расчараваны прыбыткам ад «тапання хамяка» беларус паскардзіўся ў таварыства абароны правоў спажыўцоў. Ці спрацавала?
Каментары