Мінсельгасхарч назваў крыніцы навіны пра кішэчную палачку ў сыры дэструктыўнымі. Але пра гэта пісаў Рассельгаснагляд
Міністэрства сельскай гаспадаркі і харчавання вырашыла заступіцца за беларускі сыр ад «Малочнага свету».
Мінсельгасхарч абверг інфармацыю, што ў беларускім сыры ад «Малочнага свету» знайшлі кішэчную палачку.
Днямі як расійскія, так і беларускія СМІ напісалі пра тое, што Рассельгаснагляд выявіў у сыры Шчучынскага філіяла «Малочнага свету» бактэрыі групы кішэчнай палачкі. Спасылаліся ўсе на афіцыйны ліст Рассельгаснагляду, які даступны на сайце расійскага дзяржоргана і цяпер.
«Малочны свет» 11 снежня заявіў, што гэта няпраўда. Прадпрыемства нават пагражала судом для абароны дзелавой рэпутацыі. 12 снежня да тэмы падключылася і беларускае Міністэрства. У паведамленні ў тэлеграм-канала Мінсельгасхарча крыніцы, якія распаўсюджвалі афіцыйную інфармацыю Рассельгаснагляду пра кішэчную палачку ў сыры, названыя «дэструктыўнымі».
«У некаторых дэструктыўных крыніцах з'явілася інфармацыя пра наяўнасць кішэчнай палачкі ў сыры вытворчасці ААТ «Малочны свет».
Айчынны брэнд афіцыйна заяўляе, а Міністэрства сельскай гаспадаркі і харчавання Беларусі пацвярджае, што гэтая інфармацыя не адпавядае рэчаіснасці і з'яўляецца не больш, чым фэйкавым укідам. Спробу дыскрэдытаваць якасную беларускую прадукцыю можна лічыць праваленай», — заявілі ў беларускім міністэрстве.
У ведамстве заявілі, што прадукцыя праходзіць строгі кантроль якасці.
Выйшаў на свабоду 76-гадовы Сямён Добкін, брат заснавальніка EPAM7
Выйшаў на свабоду 76-гадовы Сямён Добкін, брат заснавальніка EPAM
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1414
Каментары