Стала вядома пра смерць магілёўскай тэатральнай актрысы Наталлі Суворавай. Пра гэта паведаміла ў сацсетках прэс-служба Магілёўскага абласнога тэатра лялек.
Наталля Суворава працавала ў Магілёўскім абласным тэатры лялек з 1994 па 2015 год. Працуючы там, яна стварыла звыш 50 роляў. Самымі яркімі з якіх сталі вобразы Русалачкі ў аднайменным спектаклі «Русалачка» паводле казкі Ханса Крысціяна Андэрсана, бабулі ў «Піліпку і Ведзьме», Чырвонага Каптурка, мышаняці Мікі, Дзюймовачкі і многіх іншых.
«Апошнія гады Наталля Міхайлаўна была на заслужаным адпачынку. Калектыў тэатра смуткуе па страце і выказвае шчырае спачуванне сям'і і блізкім», — сказалі ў тэатры.
Развітанне з Наталляй Суворавай адбудзецца 10 верасня з 10.00 да 12.00 гадзін у цэнтры рытуальных паслуг па вуліцы Першамайскай, 99.
Пасля ўчорашняй публікацыі «НН» з «Сяргеем» і «Алексам» адбыліся метамарфозы4
Пасля ўчорашняй публікацыі «НН» з «Сяргеем» і «Алексам» адбыліся метамарфозы
«Тое, што хтосьці «сядзіць за палітыку», з'яўляецца «часткай пейзажу». Беларуска, якая наведала радзіму пасля доўгага перапынку, падзялілася ўражаннямі22
Каментары