Пасольства Беларусі раіць не прамаўляць у Іране словы «Кіркораў» і «кірпіч». Чаму?
Дыпламатычнае прадстаўніцтва апублікавала рэкамендацыі для тых беларусаў, хто хоча наведаць Іран.
Пасольства Беларусі ў Іране раіць тым, хто вырашыць наведаць Ісламскую Рэспубліку, не ўжываць некаторыя словы.
Так, лепш не прамаўляць словы тыпу «абрыкос», «космас», «кірпіч», «Кіркораў» і іншыя, у якіх утрымліваюцца гукаспалучэнні «кір» і «кос». Аказваецца, гэтыя спалучэнні на фарсі азначаюць дзетародныя органы.
Каб пазбегнуць кепскіх сітуацый, дыпламаты раяць устрымацца ад частага выкарыстання пацалункаў, мовы жэстаў і парушэння асабістай прасторы мясцовых жыхароў.
Абразлівымі ў Іране лічаць такія жэсты: «кісць рукі, сціснутая ў кулак з паднятым уверх вялікім пальцам», «падняты ўверх сярэдні палец», «рух правай ці левай рукі, які паказвае ўдар па падбародку знізу ўверх». Такія жэсты паказваць не варта.
Пасольства нагадвае і пра патрабаванні да адзення: іншаземкі, як і мясцовыя жанчыны, абавязаны насіць «хіджаб» — спецыяльную форму адзення, якая пакрывае ўсё цела, акрамя твару і кісцяў рук.
Рэкамендуецца насіць свабодную вопратку, якая не падкрэслівае формы цела. Мужчынам варта пазбягаць шортаў вышэйшых за калена і маек з адкрытымі плячыма.
Беларускія дыпламаты заяўляюць, што жанчын у Іране не дыскрымінуюць, а абавязак насіць хіджаб нібыта толькі падкрэслівае асаблівы сацыяльны статус жанчын.
Аднак пасольства ўсё ж раіць не спрабаваць пазнаёміцца з жаночай часткай сям'і гаспадара дома, запрашаць жаночую частку сям'і за агульны стол, не працягваць жанчыне руку пры знаёмстве, не ўваходзіць у жаночае аддзяленне грамадскага транспартнага сродку, не задаваць пытанні замежнаму суразмоўцу аб яго жонцы, не глядзець пільна на жанчын, не паказваць на іх рукой або пальцам, не спрабаваць загаварыць або пазнаёміцца з жанчынамі на вуліцы і не адпускаць каментары ў іх адрас.
Нельга ўвозіць у Іран алкаголь, свініну, наркатычныя рэчывы, экстрэмісцкую літаратуру, друкаваныя і электронныя носьбіты інфармацыі, якія абражаюць іслам альбо дзяржаўную ўладу ў Іране, прапагандуюць «заходнюю сістэму каштоўнасцяў» і супярэчаць нормам шарыяту, а таксама змяшчаюць парнаграфічны кантэнт. За ўжыванне алкаголю ў Іране могуць прызначыць 40 удараў палкамі. Крымінальнае пакаранне прадугледжана за дэманстрацыю гомасэксуальнасці.
Пасольства раіць не ехаць у Іран тым, у каго ў пашпарце ёсць ізраільская віза.
«Яна пагражала мне фізічна, нападала сэксуальна». Аляксандр Рыбак скардзіцца на сталкерку3
Каментары
Это нормально . А призывать уничтожить
40 +++ миллионов украинцев , открыто , многократно. По всем инф каналам это норм . Визжать от восторга видя массы убитых женщин и детей - это доблесть росийских мужчин . Вы просто поделитесь с иранцами ( персами ) своими пынявыми скрепами - вдруг они поймут .