Гіганцкая бліскавіца ўдарыла ў шматпавярховы дом у Баранавічах ВІДЭА
Падчас навальніцы ўвечары 16 ліпеня маланка ўдарыла ў шматпавярховік у мікрараёне Бароўкі, паведамляе Bar24.
![](http://d3kcf2pe5t7rrb.cloudfront.net/img/w840d4webp1/photos/z_2024_07/malanka240717-wi4ex.jpg.webp)
Маланка трапіла ў адзін з дамоў па вуліцы Ігната Дамейкі падчас навальніцы познім вечарам 16 ліпеня.
— Пачыналася навальніца. Сталі зіхацець невялікія бліскавіцы. Я вырашыла паспрабаваць падпільнаваць. Раптам атрымаецца. Уключыла відэазапіс, і доўга не давялося чакаць. Маланка трапілася хутка, — распавяла гараджанка.
Навальніцы з моцнымі дажджамі, ветрам і градам бушуюць у Беларусі з мінулых выходных. І за гэты час яны паспелі нарабіць ужо нямала бед.
Так, у суботу бура, якая праляцела па Баранавічах, зламала і выкарчавала некалькі дзясяткаў дрэў. У нядзелю град памерам з курынае яйка пашкодзіў аўтамабіль і знішчыў агарод жыхаркі Баранавічаў.
Каментары