Свет33

Адна з нейрасетак паспяхова прайшла тэст Т'юрынга. Гэта адбываецца ўпершыню ў гісторыі

Навукоўцы з Каліфарнійскага ўніверсітэта правялі для некалькіх нейрасетак сапраўдны тэст Т'юрынга і далі ім пагутарыць з 500 рознымі людзьмі, якія потым павінны былі адказаць, з чалавекам ці з машынай яны размаўлялі. Вынікі аказаліся лёсавызначальнымі для ўсяго чалавецтва, кажуць даследчыкі.

Ілюстрацыйная выява. Фота: vecteezy

Каманда навукоўцаў з Каліфарнійскага ўніверсітэта нядаўна правяла сусветна вядомы тэст Т'юрынга з мэтай высветліць, ці могуць сучасныя мадэлі штучнага інтэлекту (ШІ) праўдападобна імітаваць чалавечыя зносіны і колькіх людзей атрымаецца ўвесці ў зман, калі даць ім пагутарыць з ШІ, перадае часопіс Life Science.

Для гэтага навукоўцы зладзілі пачарговую 5-хвілінную размову некалькіх нейрасетак з 500 рознымі людзьмі, якіх падзялілі на 4 групы: першая мела зносіны з сапраўдным чалавекам, а тры астатнія — з нейрасеткамі (у эксперыменце выпрабоўвалі самы першы ў гісторыі чалавецтва чат-бот ELIZA, а таксама трэцюю і чацвёртую версіі нейрасеткі ChatGPT).

Згодна з правіламі тэсту Т’юрынга, ніводзін з 500 рэспандэнтаў першапачаткова не ведаў, з кім ён вядзе размову: з машынай ці з жывым чалавекам. Потым кожны з удзельнікаў павінен быў адказаць на пытанне, ці быў іх суразмоўца сапраўдным.

Вынікі аказаліся такія: ChatGPT-4 падчас размовы здолеў пераканаць 54% удзельнікаў у тым, што з імі меў зносіны жывы чалавек. А трэцюю версію нейрасеткі (ChatGPT-3.5) прынялі за чалавека 50% рэспандэнтаў.

Чат-бот ELIZA у сваю чаргу заваліў тэст і 78% удзельнікаў адразу вызначылі, што з імі гутарыць машына. Рэальны чалавек, які разам з нейрасеткамі меў зносіны з рэспандэнтамі, змог пераканаць у сваёй чалавечнасці 67% удзельнікаў.

«Паколькі 54% — гэта большасць, і яна не змагла адрозніць машыну ад жывога чалавека, то ChatGPT прайшоў тэст Т’юрынга. Гэта адбываецца ўпершыню», — заявілі навукоўцы з Каліфарнійскага ўніверсітэта ў сваім новым даследаванні.

Яны таксама прызнаюць, што арыгінальны тэст Т’юрынга занадта спрошчаны ў сваім падыходзе, «бо стылістычныя і сацыяльна-эмацыйныя фактары сёння адыгрываюць больш вялікую ролю ў праходжанні тэсту, чым традыцыйныя паняцці інтэлекту».

«Сучасныя моўныя мадэлі бясконца гнуткія, яны здольныя сінтэзаваць адказы на шырокі спектр тэм, выказвацца на розных мовах і дыялектах, прымяраць на сябе характэрныя асобавыя якасці і каштоўнасці, а таксама падманваць і маніпуляваць.

Гэта велізарны крок наперад і паказальнік таго, як моцна змяніўся ШІ ў эпоху GPT. Гэта вялікі выклік будучаму ўзаемадзеянню чалавека і машыны, які можа прынесці за сабой шырокамаштабныя сацыяльныя і эканамічныя наступствы для ўсяго чалавецтва», — падкрэсліваюць навукоўцы.

Поўны тэкст даследавання (на англійскай мове) можна паглядзець па спасылцы.

Нагадаем, што тэст Т'юрынга названы ў гонар брытанскага матэматыка і крыптографа Алана Т'юрынга, якому падчас Другой сусветнай вайны ўдалося ўзламаць сакрэтную нямецкую шыфравальную машыну «Энігма» і тым самым адсочваць аперацыі падводнага флоту Германіі, што істотна дапамагло саюзнікам перамагчы ў вайне.

Т'юрынг таксама лічыцца адным з заснавальнікаў тэорыі штучнага інтэлекту, і ягоны тэст павінен быў вызначаць узровень наяўнасці інтэлекту ў машын на аснове іх здольнасці падтрымліваць праўдападобную размову з чалавекам.

Каментары3

  • Acab
    15.06.2024
    Ня ўпершыню
  • Acab
    15.06.2024
    Тэст Акабчыка дзеля штучнае інтэлігенцыі такі - трэба перамагчы на дэмакратычных свабодных ўсеагульных выбарах з матэматычна дакладным падлікам галасоў.
    Хаця гэты тэст штучная інтэлігенцыя дзе заўгодна ў сьвеце пройдзе з першае спробы.
  • 15.06.2024
    Гэты так званы " тэст Тьюрінга " ніколі , з малаком маленькіх навукоўцаў НІКОЛІ ня успрымаўся як нехшта сур'ёзнае )) Гэта ўспрымалася больш як жарт .

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі13

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі

Усе навіны →
Усе навіны

Стала вядома, хто абараняў Рыка Крыгера2

Як Байдэн прымаў рашэнне адмовіцца ад удзелу ў выбарах прэзідэнта ЗША. Хроніка выходных1

Расійскі след у шалёна папулярнай гульні Hamster Kombat усё больш відавочны1

На якіх умовах беларусы могуць атрымаць грамадзянства Іспаніі, Партугаліі, Германіі і іншых краін13

У Расіі дзве дзяўчыны загінулі падчас квэсту — аніматар абліў іх газай, выпадкова падпаліў і ўцёк6

Ілюстратарку з Брэста асудзілі за данаты палку Каліноўскага на шэсць гадоў

Пад Бабруйскам на трасе добра насыпала граду

У Мінску за пратэсты будуць судзіць мужа і жонку. У іх трое дзяцей4

«Усякія сітуацыі ў жыцці бываюць». Павук спытаў у мясцовых уладаў пра шахед, што ўпаў у Акцябрскім3

больш чытаных навін
больш лайканых навін

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі13

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі

Галоўнае
Усе навіны →