У Грузіі кіроўная партыя ўнесла ў парламент пакет законаў супраць ЛГБТ
Спікер парламента запэўнівае, што галасоў хопіць.
Дэпутаты ад кіроўнай партыі «Грузінская мара» ўнеслі ў парламент Грузіі пакет законаў, якія абмяжоўваюць правы ЛГБТ.
Члены парламента прадставілі законапраект «Аб сямейных каштоўнасцях і абароне непаўналетніх» і папраўкі да 18 законаў.
Законапраекты прадугледжваюць увядзенне забароны на змену полу, усынаўленне і апеку над непаўналетнімі для аднаполых пар, а таксама на правядзенне сходаў, накіраваных на «папулярызацыю» аднаполых шлюбаў, змену полу і ўсынаўленне дзяцей аднаполай парай, піша «Настоящее время».
Мяркуецца таксама забараніць распаўсюд у творах, праграмах і іншых матэрыялах кантэнту пра аднаполыя шлюбы, інцэст, усынаўленне дзяцей аднаполымі парамі і аперацыі па змене полу. Гэта тычыцца ў тым ліку адукацыйных устаноў, СМІ і кінатэатраў. У дзяржаўных дакументах і бланках будуць пазначацца толькі жаночы ці мужчынскі пол, адпаведны генетычным даным.
Таксама ініцыятары законапраектаў прапануюць усталяваць 17 траўня дзяржаўнае свята — «Дзень святасці сям'і». 17 траўня многія краіны свету адзначаюць Дзень барацьбы супраць гамафобіі і трансфобіі.
Спачатку кіроўная партыя мела намер унесці шэраг такіх нормаў у Канстытуцыю, аднак для змяненняў Асноўнага закона ёй не хапае галасоў. Для прыняцця ж звычайных законаў большасці «Грузінскай мары» дастаткова.
Кіроўная партыя раней прыняла закон аб замежным уплыве, які выклікаў у Грузіі масавыя пратэсты. Краіны Захаду пагражаюць краіне санкцыямі і пазбаўленнем статусу кандыдата ў сябры ЕС.
Спікер парламента Грузіі падпісаў закон аб замежных агентах. З гэтага дня ён набывае моц
У Тбілісі разграмілі офіс найбуйнейшай грузінскай апазіцыйнай партыі
Грузія мае намер да 2030 года вярнуць Абхазію і Паўднёвую Асецію і стаць членам ЕС
ЗША ўвядуць візавыя санкцыі за падрыў дэмакратыі ў Грузіі
Чатыры краіны ЕС прапанавалі адмяніць бязвізавы рэжым з Грузіяй, калі Тбілісі прыме закон аб замежных агентах
Каментары
Понятие содомии включало в себя в различных толкованиях всевозможные проявления сексуальности, не связанные с возможностью зачатия новой жизни: гомосексуальные контакты, отличные от вагинального полового акта гетеросексуальные практики (например, оральные и анальные контакты), сексуальные контакты с животными, мастурбацию[2] и другие[3][4][2][5][6].
https://ru.wikipedia.org/wiki/%D0%A1%D0%BE%D0%B4%D0%BE%D0%BC%D0%B8%D1%8F
Будьте последовательны запретите анальный секс, оральный секс и мастурбацию.Поскольку с точки зрения православия это все содомия и едино с гомосексуализмом.
Так что как не крути там половина из них самих содомиты.