У Таганрогу згарэлі 14 прыпаркаваных аўтамабіляў, пашкоджанні атрымала прамысловае прадпрыемства, але пацярпелых няма. Паветраную трывогу ў Таганрогу абвясцілі ў 4:30 па мінскім часе, яна дзейнічала паўтары гадзіны.
«Паводле папярэдніх звестак ніхто з людзей не пацярпеў. Аб'ём атрыманых пашкоджанняў удакладняецца», — напісаў губернатар Юрый Слюсар у тэлеграм-канале.
У 4:30 у Таганрогу абвясцілі паветраную трывогу, мэр Святлана Камбулава паведаміла пра атаку беспілотнікаў і папрасіла таганрожцаў прыняць меры бяспекі.
«Па магчымасці спусціцеся на ніжнія паверхі, у падвал. Знайдзіце месца без вокнаў, сядзьце на падлогу», — напісала яна. У 6:02 трывогу адмянілі.
«Раён пашкоджання ачэплены супрацоўнікамі паліцыі. Будзе праведзена абследаванне тэрыторыі ў радыусе 1 км», — напісала мэр.
Мясцовыя жыхары сцвярджаюць, што атакаваны Таганрогскі авіяцыйны навукова-тэхнічны комплекс імя Г. М. Бярыева. Пацвярджэнняў гэтай інфармацыі пакуль няма.
Гэтай ноччу нападу падвергнуўся і Бранск, там у выніку атакі беспілотніка адбыўся пажар на вытворчым прадпрыемстве, узгаранне ўдалося патушыць.
Серыя выбухаў адбылася і ў Бранскай вобласці. Пра гэта паведамілі мясцовыя жыхары. Па іх словах, яны чулі каля 10 выбухаў.
Пасля гэтага пачаўся моцны пажар. Пасля ўлады паведамілі пра 10 беспілотнікаў.
Паводле аналізу ASTRA, гарэў наліўны пункт нафтаправода «Дружба» побач з Бранскам.
Лукашэнка ўпершыню з'явіўся на публіцы разам з мамай Колі3
Каментары