Мазыранцы зрабілі няўдалую пластыку, яна падала пазоў на 100 тысяч рублёў
Ёй прызначылі ў 10 разоў меней.
Жыхарка Мазырскага раёна запатрабавала больш за 100 000 рублёў кампенсацыі за няўдала праведзеную пластычную аперацыю. Сітуацыя разгортвалася наступным чынам.
5 снежня 2021 года адказчык правёў жанчыне эстэтычную пластычную аперацыю ў «непрыстасаваным памяшканні і без ліцэнзіі». За саму працэдуру яна заплаціла 1777 рублёў, не атрымаўшы ніякага чэка.
Праз некалькі тыдняў стала відавочна, што чаканых вынікаў умяшанне не прынесла. Аперацыя была праведзена паўторна тым жа доктарам, але беспаспяхова. 1 лістапада 2021 года адказчык вярнуў пазоўніцы яе грошы. На працягу ўсяго наступнага года жанчына спрабавала ліквідаваць наступствы няўдалай аперацыі, трацячы на гэта вялікія сродкі.
Дасудовае пагадненне аб кампенсацыі шкоды ў 80 000 рублёў доктар праігнараваў. Тады жанчына падлічыла ўсе свае выдаткі і звярнулася ў суд.
Выдаткаваная на ліквідацыю наступстваў няякаснай аперацыі, склала 6861,82 рубля. Набыццё дадатковых медыцынскіх тавараў для аднаўлення здароўя каштавала пацыентцы 218,14 рубля.
Свае маральныя пакуты жанчына ацаніла ў 100 000 рублёў. У суме з улікам аплаты юрыдычнай дапамогі і транспартных выдаткаў набегла больш за 107 161 рубля.
Суд пацвердзіў, што дзеянні адказчыка нанеслі пацыентцы фізічную і маральную шкоду, аднак не ўсталяваў дакладнай сувязі паміж ім і выдаткамі на лячэнне. Замест першапачаткова запытанай сумы адказчыцы было прызначана выплаціць кампенсацыю 10 000 рублёў плюс пакрыццё судовых выдаткаў.
Жанчына з вердыктам засталася не згодная і падала апеляцыю, аднак там рашэнне першай інстанцыі пакінулі без зменаў.
Ва Украіне загінула 24-гадовая беларуская добраахвотніца Марыя Зайцава20
Каментары