Грамадства33

Колькі беларусам трэба для камфортнага жыцця?

Адказ на гэта пытанне блогер паспрабаваў знайсці ў простых беларусаў розных узростаў на вуліцы.

Серыю відэа з адказам на пытанне: «Колькі вам трэба, каб камфортна жыць?» размясціў адзін з беларускіх блогераў у сваім тыктоку.

Адна з жанчын адказала, што для такога жыцця яе пенсія павінна складаць 3000-4000 рублёў. На яе погляд, наяўнасць такіх грошай дазволіць ёй з'ездзіць куды-небудзь у адпачынак.

Суму ў 3000 рублёў назвала і іншая жанчына пенсійнага ўзросту. Калі ў яе спыталі, кім трэба працаваць, каб столькі зарабляць, жанчына адказала:

«Статыстыка гаворыць, што недзе і дактары атрымліваюць столькі, і выкладчыкі. Але не ведаю».

Пажылы мужчына заўважыў, што маладым людзям для камфортнага жыцця патрэбна 4000 рублёў. Іншая жанчына дастаткова сталага ўзросту заўважыла, што для маладых патрэбна сума ў пяць тысяч:

«Гэта дакладна. Кожны павінен зарабляць, муж ці жонка. Пяць тысяч — гэта самы мізер, які цяпер па тых цэнах, што ў крамах».

Калі ж блогер пацікавіўся ў маладых людзей, то такога аднадушша не было. Так, адзін з суразмоўцаў спачатку адказаў, што яму будзе дастаткова 1500 рублёў. Пасля ўдакладнення, ці сапраўды гэтага яму хопіць для камфортнага жыцця, трохі падумаўшы, малады чалавек павялічыў суму ўдвая.

«А вось бабулькі кажуць, што пяць тысяч», — заўважыў блогер і пачуў у адказ: «Дык лекі ў іх дарагія».

«Дакладна не менш за дзве тысячы [рублёў]. Гэта калі чалавек адзін жыве, эканоміць», — выказала сваё меркаванне дзяўчына і дадала, што сума для камфортнага жыцця вельмі індывідуальная:

«Ва ўсіх свае запыты. Некаму зусім не патрэбна тое, што я набываю, кажа, што я транжырка страшная».

На заўвагу, што пенсіянеры называлі суму ў пяць тысяч, суразмоўца адказала: «Гэта людзі проста так называюць лічбы». Пасля разваг яна назвала суму ў 4000 рублёў.

Для таго, каб не глядзець на цэны ў крамах, маладой дзяўчыне — гераіні іншага роліка — трэба было б не менш за тысячу даляраў.

А вось яшчэ адна дзяўчына адказала, што для камфортнага жыцця сума павінна быць на ўзроўні $3000. На яе погляд, такія грошы ў Беларусі можна зарабіць, калі маеш бізнэс ці працуеш «самым топавым» праграмістам. Іншых магчымасцей яна не бачыць.

Жанчына сярэдняга ўзросту выказала меркаванне, што для камфортнага жыцця неабходна 6000 рублёў. І такія грошы могуць зарабіць айцішнікі.

Але нельга лічыць, што ўсе беларусы вельмі патрабавальныя да вялікіх даходаў.

Больш за 300 тысяч праглядаў набрала відэа, гераіня якога выказала цвёрдае меркаванне, што ёй для камфортнага жыцця хапіла б 1000 рублёў.

Адзін з гледачоў пракаментаваў гэта відэа наступным чынам: «Гэта Настачка з казкі «Марозка» — «цёпла табе, дзяўчына, ці цёпла табе, мілая?» — «Цёпла, бацюшка, цёпла…».

Каментары3

  • Усяго дасягнула сама
    11.12.2024
    На тваё шчасце заробак ніяк не ўплывае. Пры ўмове, што ў цябе ёсць папік.
  • Банкомат
    11.12.2024
    Но мани, но проблем.
  • Бывший айтишник
    11.12.2024
    Пока пыня не напал на Украину, получал 3К. Пропивал, прокуривал, проедал почти в 0. Теперь понимаю, что надо было жить на 1К, а остальное откладывать. Тупой был, что поделать.

Ва Украіне загінула 24-гадовая беларуская добраахвотніца Марыя Зайцава20

Ва Украіне загінула 24-гадовая беларуская добраахвотніца Марыя Зайцава

Усе навіны →
Усе навіны

Расійскіх дыпламатаў затрымалі ў брытанскім парламенце3

Гэтыя прадукты могуць знізіць рызыку развіцця раку тоўстай кішкі — самага распаўсюджанага ў Беларусі1

«Чаму пад выглядам трохпакаёвых кватэр сталі прадаваць двухпакаёвыя?» Блогерка крытыкуе рынак нерухомасці9

За ўдзел у пратэстах судзяць выкладчыцу Універсітэта фізкультуры3

Падлічылі медыянны заробак. Роўна палова беларусаў атрымлівае на рукі менш за $4545

Трамп прызначыў зорных спецпасланнікаў у Галівудзе. Сярод іх Мэл Гібсан12

Следчыя змаглі знайсці забойцу мытніка, цела якога знайшлі ў Гомелі ў 2002 годзе6

Палітзняволенага Юрася Зянковіча здымалі, падобна, у гатэлі «Еўропа»5

У Грузіі за паўтара года сем грамадзян Беларусі скончылі жыццё самагубствам7

больш чытаных навін
больш лайканых навін

Ва Украіне загінула 24-гадовая беларуская добраахвотніца Марыя Зайцава20

Ва Украіне загінула 24-гадовая беларуская добраахвотніца Марыя Зайцава

Галоўнае
Усе навіны →