Каханне і сэкс1919

Пара хоча сабраць 10 тысяч даляраў з падпісчыкаў у інстаграме на вяселле мары

Новы трэнд у сацыяльных сетках: беларусы просяць падпісчыкаў у інстаграме дарыць ім грашовыя пераводы на дзень нараджэння. А адна пара нават спрабуе сабраць на ўласнае вяселле 10 тысяч даляраў. Паглядзелі, колькі ж пералічваюць у такіх выпадках.

Пара блогераў, якая збірае на вяселле. Фота: сацсеткі

Для некаторых беларускіх блогераў ужо стала звычайнай з'явай намякаць, што яны чакаюць грашовыя падарункі да нейкай важнай для іх даты.

Напрыклад, блогерка (а ў мінулым сэкс-коўч) Алена Мелавацкая, святкуючы вяселле на Паўночным Кіпры, вырашыла збіраць грошы на «хлопчыка-дзяўчынку» не толькі афлайн, але і анлайн: любая падпісчыца Алены магла перавесці некаторую суму за той ці іншы варыянт (SMM-спецыялістка рэгулярна публікавала спасылкі на аплату ў сторыс). Вынікі грашовага галасавання ў анлайне атрымаліся такія: 4750 рублёў пералічылі на дзяўчынку і 2190 рублёў — на хлопчыка.

Не заўсёды такія прапановы паступаюць ад блогераў, якія маюць шматтысячную аўдыторыю — на эксперымент часам вырашаюцца і людзі з некалькімі тысячамі падпісчыкаў. Колькі ж рэальна атрымаць у такім выпадку?

Нядаўна адна з беларускіх блогерак, якая жыве ў раённым цэнтры і мае каля 4 тысяч падпісчыкаў у інстаграме, напісала ў сторыс: «Гэта эксперымент для тых, хто хоча мяне павіншаваць. Гэта будзе падарунак ад вас. Напрыканцы дня я пакажу, якая сума назбіралася і што можна на яе набыць». Дзяўчына падкрэсліла, што можна даслаць нават 1 рубель. А атрымаўшы першыя два пераводы грошай, дадала яшчэ і рэквізіты карткі, на якую можна пералічваць грошы з любога месца свету.

Увечары блогерка распавяла, што атрымала ў падарунак каля 220 рублёў. На гэтыя грошы яна набыла срэбны бранзалет.

Але адна беларуска пайшла яшчэ далей і вырашыла сабраць грошы на шыкоўнае вяселле, да якога засталося каля двух месяцаў. Аліна і Яўген маюць у інстаграме агулам каля 19 тысяч падпісчыкаў. Пара таксама вядзе невялікі бізнэс — трымае фотастудыю і шоўрум вячэрніх сукенак.

Закаханыя пачалі планаваць вяселле ў 2022 годзе — за 10 месяцаў да запланаванай даты свята. Яны глядзелі шыкоўныя пляцоўкі для правядзення вяселля, абіралі фатографа, а нявеста рашала, якую сукенку сабе пашыць. Хутка стала зразумела, што на гэта патрэбна прыкладна два вагоны грошай, якіх маладыя людзі не мелі, але спадзяваліся назапасіць. Але ж не атрымалася, і вяселле прыйшлося адкласці на жнівень 2024 года.

У нейкі момант Яўген спрабаваў пераканаць каханую, што лепей паехаць на паўгода жыць на Балі, а ад пафаснага свята адмовіцца. Нявеста ж катэгарычна адмовілася. Яе галоўны аргумент быў такі: на водпуск яны яшчэ паспеюць зарабіць, а вяселле раз у жыцці.

Сёлета ў красавіку Аліна зноў пачала запісваць сумныя сторыс: «Праз чатыры месяцы ў нас вяселле, а ў скарбонцы 26 даляраў. Кожны раз мы залазім у скарбонку, каб то студыю аплаціць, то рэкламу, то яшчэ нешта. І здаецца, што заробкі быццам не маленькія, але пры гэтым не атрымліваецца адкласці ад слова зусім. Як людзі на кватэры збіраюць, у мяне ўвогуле ў галаве не ўкладаецца».

Аліна прызналася, што праз гэта ў іх пары было нямала сварак і нервовых зрываў. І вось нарэшце за 73 дні да вяселля пара прыдумала, адкуль узяць на яго фінансы. Яны запісалі відэа, у якім папрасілі ўсіх неабыякавых людзей паўдзельнічаць у аплаце свята. Нават асобную картку завялі спецыяльна для тэрміновага збору.

«Вы толькі ўявіце, калі 10 тысяч чалавек дашле нам усяго па 1 даляры. Тады мы зможам лёгка здзейсніць сваю мару. А калі больш… Уявіце, які гэта круты эксперымент — паглядзець, якое вяселле можна зрабіць дзякуючы падпісчыкам», — з энтузіязмам кажа Аліна ў рылсе.

Відэа завірусілася ў інстаграме і выклікала хвалю хэйту. Не ўсе зразумелі, як можна тэрмінова збіраць грошы на вяселле, калі існуе шмат збораў на лячэнне дзяцей. Але ж першы дзень эксперыменту паказаў, што ідэя Аліны і Яўгена небезнадзейная — ім заданацілі 162 рублі.

Пара была прыемна ўражана і падзякавала хэйтарам, якія сваімі абуранымі каментарыямі дапамаглі прасунуць відэа.

Каментары19

  • Пакаленню пустых блогераў і іх фоловерам прысвячаецца
    03.06.2024
    У краіне столькі хворых дзяцей, якім патрэбна дапамога, інвалідаў, тысячы палітвяўняў і іх сем’і, якіх катуюць. А гэтым пустышкам збіраюць на вяселле. Хай крыдыт бяруць. Праз год развядуцца, а крыдыт застанецца ім на памяць.
  • нявеста азаронка
    03.06.2024
    [Рэд. выдалена]
  • даведка
    03.06.2024
    В прошлом секс-коуч после первой брачной ночи вынесет на всеобщее обозрение простыню?

Залева ў Мінску, верагодна, была наймацнейшай за ўсю гісторыю назіранняў

Залева ў Мінску, верагодна, была наймацнейшай за ўсю гісторыю назіранняў

Усе навіны →
Усе навіны

Транспартныя сродкі з беларускімі нумарамі не змогуць заязджаць і ў Эстонію7

На наступныя выхадныя аднаўляе працу легендарны «Рэактар». Гуляць будуць тры дні5

«Ты не карэнны аўстраліец, а я карэнны рускі». Былы прэм'ер Аўстраліі расказаў, як 10 гадоў таму пагаварыў з Пуціным пра Украіну6

Лукашэнка памяняў намесніка міністра абароны2

Мінлясгас заклікаў беларусаў найбліжэйшымі тыднямі не хадзіць у грыбы1

Даследчык даведаўся пра гісторыю першых гадзіннікаў Жыровіцкага манастыра

У Жлобіне адмянілі ўрачыстае адкрыццё флагштока, ківаюць на надвор'е1

Мазырскія ўлады прызналі, што перабоі з водазабеспячэннем у горадзе застаюцца

Самалёт AirBaltic з-за буры заляцеў у паветраную прастору Беларусі7

больш чытаных навін
больш лайканых навін

Залева ў Мінску, верагодна, была наймацнейшай за ўсю гісторыю назіранняў

Залева ў Мінску, верагодна, была наймацнейшай за ўсю гісторыю назіранняў

Галоўнае
Усе навіны →