У канцы мая ў Мінску адкрываецца яшчэ адзін буйны гандлёвы цэнтр
ТРЦ «Чэрвеньскі», які размесціцца на месцы знесенага Чэрвеньскага рынку, адкрываецца ўжо ў сераду 29 мая. Праўда, з заяўленых шматлікіх крам там пакуль будзе працаваць толькі дзве, піша CityDog.io.
![](http://d3kcf2pe5t7rrb.cloudfront.net/img/w840d4webp1/photos/z_2024_05/2024-05-17182925-jejid.png.webp)
Скрыншот з відэа
Усяго ў новым моле на скрыжаванні вуліц Аранскай і Маякоўскага будзе пяць узроўняў: два з іх размешчаныя пад зямлёй і тры — над зямлёй.
- Узровень -2 — паркоўка;
- Узровень -1 — гіпермаркет;
- Узроўні 1 і 2 — fashion-зона з гандлёвымі плошчамі;
- Узровень 3 — зона фуд-корта і дзіцячага забаўляльнага цэнтра.
Праўда, з заяўленых раней крам у гандлёвым цэнтры пакуль будуць працаваць толькі дзве — гіпермаркет Green і крама адзення нямецкага брэнда NewYorker.
Паступова, як абяцае забудоўшчык, у «Чэрвеньскім» будуць адкрывацца і іншыя крамы адзення і абутку, тэхнікі і тавараў для дома, бялізны і аксесуараў, касметыкі і ювелірных вырабаў, а таксама зоны забаў і фуд-корт.
Каментары