AstraZeneca адклікае сваю вакцыну ад кавіду з продажу па ўсім свеце
Кампанія тлумачыць такі крок выключна камерцыйнымі меркаваннямі, звязанымі з тым, што прэпарат перастаў быць запатрабаваным. Але гэта яўна не адзіная прычына.
Брытанская фармацэўтычная кампанія AstraZeneca пачала адклікаць дазволы на продаж і выкарыстанне сваёй вакцыны ад COVID-19 па ўсім свеце. Як адзначае газета The Telegraph, кампанія тлумачыць такі крок выключна камерцыйнымі меркаваннямі, звязанымі з тым, што прэпарат перастаў быць запатрабаваным.
Аднак гэтае рашэнне было прынята на фоне судовага разбору з пацярпелымі ад рэдкага пабочнага эфекту, які ён выклікае. Па словах прадстаўнікоў кампаніі, вакцына ў вельмі рэдкіх выпадках можа выклікаць трамбоз з сіндромам тромбацытапенія, прычыны якога пакуль невядомыя.
З 7 мая вектарную вакцыну Vaxzevria больш нельга выкарыстоўваць на тэрыторыі Еўрасаюза. У найбліжэйшыя месяцы прэпарат адклічуць з Вялікабрытаніі, а таксама з іншых краін.
AstraZeneca PLC — брытанска-шведская фармацэўтычная кампанія, зарэгістраваная ў Вялікабрытаніі. З'яўляецца адной з найбуйнейшых кампаній у свеце, дзясятай па аб'ёме продажаў рэцэптурных прэпаратаў.
Памёр дзед Колі Лукашэнкі — былы вязень ГУЛАГа, асуджаны за дапамогу «бандэраўцам»8
Каментары