У Сянне жанчыну судзяць па рэдкім артыкуле — за парушэнне заканадаўства аб выбарах
Рэдкая адміністрацыйная справа.
Справу Галіны Гарбачовай разглядае Сенненскі раённы суд. Ёй ставяць у віну артыкул 10.9 Кодэкса аб адміністрацыйных правапарушэннях, а менавіта парушэнне заканадаўства аб выбарах, рэферэндуме, рэалізацыі права заканадаўчай ініцыятывы грамадзян.
У банку судовых рашэнняў ёсць толькі тры пастановы па гэтым артыкуле. У адным з выпадкаў жанчыну аштрафавалі на 400 рублёў за фатаграфаванне бюлетэня. Іншую беларуску аштрафавалі на 320 рублёў за тое, што яна вынесла чысты бюлетэнь з участку, адзначае «Віцебск, я гуляю».
У яшчэ адным выпадку пенсіянер з Брэста хацеў стаць назіральнікам на выбарах і падаў камісіі пратакол сходу аб'яднання, якое не зарэгістравана Мінюстам. За тое мужчыну пакаралі штрафам ў 400 рублёў.
За што судзяць Галіну Гарбачову, пакуль невядома.
Таццяна Зарэцкая больш не эстонская стартаперка. Цяпер яна спрабуе стаць пасярэдніцай інвестараў у Саудаўскай Аравіі25
Каментары