Шайгу ўручыў зорку героя генералу, які паклаў тысячы салдат пры захопе Аўдзееўкі
«Гэта найвышэйшае званне ў нашай краіне і, безумоўна, вы яго заслужылі».
Міністр абароны РФ Сяргей Шайгу ўручыў медаль «Залатая Зорка» камандуючаму Цэнтральнай групоўкай войскаў на вайне ва Украіне генералу Андрэю Мардвічову за захоп Аўдзееўкі, піша The Moscow Times.
«Гэтае вышэйшае званне ў нашай краіне і, безумоўна, вы яго заслужылі», — заявіў Шайгу, узнагародзіўшы вайскоўца акрамя медаля яшчэ і генеральскай шашкай.
Бітва за Аўдзееўку, якую ў сярэдзіне лютага поўнасцю занялі расійскія войскі, аказалася адной з самых крывавых за два гады вайны ва Украіне. Па колькасці беззваротных страт кіраўніцтва расійскай арміі ўмудрылася перасягнуць армію СССР за ўвесь час яе прысутнасці ў Афганістане. Страты Савецкай арміі і сярод супрацоўнікаў КДБ і МУС у Афганістане з 1979 па 1989 гг. склалі крыху больш за 15 000 чалавек.
Расейскія страты склалі больш за 17 000 чалавек забітымі і каля 30 000 параненымі, паведамляў Дзмітрый Ліхавы, прадстаўнік аператыўна-стратэгічнай групоўкі «Таўрыя» УСУ, якая забяспечвала абарону Аўдзееўкі.
Амаль такую ж колькасць забітых назваў Андрэй Марозаў, адзін з Z-блогераў.
У допісе ад 18 лютага Марозаў працытаваў ананімнага расійскага вайскоўца, па словах якога, з кастрычніка беззваротныя страты склалі 16 000 чалавек, ва ўкраінцаў загінула 5000-7000 салдат.
«Людзі, я вярнулася ў СССР. Яшчэ і 170 рублёў за гэты кашмар!» Блогерка абурылася начной чаргой у падатковую7
Каментары