Вераніка Цапкала — пакупнікам яе канфіскаванай кватэры: «Мы вернемся і запатрабуем ад вас выплаты арэнды!»
Вераніка Цапкала ў сваім фэйсбуку пракаментавала выстаўленне мінскай кватэры на Чарнышэўскага на таргі і кажа, што звярнулася ў Следчы камітэт і Генпракуратуру з патрабаваннем устанавіць, хто разграміў кватэру.
«Як мне стала вядома, наша кватэра ў Мінску, па вуліцы Чарнышэўскага 5, якая належыць на праве ўласнасці мне і майму мужу была выстаўленая на продаж арганізацыяй Белюразабеспячэння, якая спецыялізуецца на продажы незаконна арыштаванай маёмасці. У таргах пазначана, што гэтая маёмасць належыць Цапкалу Валерыю Вільямавічу.
Насамрэч кватэра была набыта намі ў сумесным шлюбе і не можа лічыцца выключна ўласнасцю майго мужа.
Акрамя нас, на кватэру таксама маюць маёмасныя правы і двое нашых непаўналетніх дзяцей. Маёмасць з'яўляецца адзінай маёмасцю, якой мы валодаем на праве ўласнасці і якая з'яўляецца пастаянным месцам пражывання нашых непаўналетніх дзяцей.
Згодна з артыкулам 74 «Кодэкса Рэспублікі Беларусь аб шлюбе і Сям'і» дзеці не могуць быць выселеныя «ў нікуды», іншымі словамі, быць выгнанымі на вуліцу.
Пазбаўленне непаўналетніх дзяцей адзінага месца пражывання не толькі груба парушае іх правы, устаноўленыя Жыллёвым кодэксам Рэспублікі Беларусь, у адпаведнасці з якім немагчыма выгнаць на вуліцу маці з непаўналетнімі дзецьмі з адзінай кватэры, а таксама з'яўляецца парушэннем правоў маці і дзіцяці, якое ахоўваецца Канстытуцыяй і шматлікімі заканадаўчымі актамі Рэспублікі Беларусь.
Супрацьзаконнае рашэнне беларускага суда пазбаўляе мяне магчымасці выконваць бацькоўскія абавязкі ў поўным аб'ёме, а маіх дзяцей, грамадзян Рэспублікі Беларусь, права знаходзіцца ў гэтай кватэры, атрымліваць медыцынскую дапамогу і адукацыю.
У адпаведнасці з Законам Рэспублікі Беларусь ад 19.11.1993» аб правах дзіцяці», найважнейшай задачай дзяржавы з'яўляецца ўсебаковая гарантаваная абарона дзяржавай і грамадствам дзяцінства, сям'і і мацярынства цяперашняга і будучых пакаленняў.
Я звяртаюся ў Следчы камітэт і Пракуратуру Рэспублікі Беларусь з патрабаваннем правесці расследаванне на прадмет разгрому нашай кватэры, а таксама пакражы асабістай маёмасці і маёмасці маіх дзяцей з нашай кватэры.
Я звяртаюся да людзей, якія захочуць набыць нашу кватэру па заніжаным кошце з мэтай «сарваць халяву».
Вы павінны разумець, што мы абавязкова вернемся дадому, разам з дзецьмі заедзем у кватэру, пабудаваную на законна заробленыя сродкі і запатрабуем ад вас выплаты арэндных плацяжоў за ўвесь перыяд карыстання нашай маёмасцю!», — падсумоўвае Вераніка Цапкала.
Нагадаем, што ў чэрвені 2022 года сілавікі разграмілі катэдж Цапкалаў непадалёк ад Нацыянальнай бібліятэкі.
Каментары
Куды глядзіць Фсб ?
Чаму яно не бароніць сваіх супрацоўнікаў ?
Добра, што Цапкаліха памалілась на оукпшэнскія законы і звярнулась па захіст да лукашэнскіх устаноў.😝. Яны ёй безумоўна "дапамогуць"😁