Прапагандыстка Лебедзева пахвалілася расійскім Z-медалём, які можна купіць за $6
Супрацоўніца БТ апублікавала фота, на якім хваліцца медалём «За садзейнічанне СВА», падпісаны нейкім расійскім палкоўнікам, чые імя і подпіс на фота старанна заблюраныя.
Медаль беларусцы, якая неаднаразова ездзіла на акупаваныя тэрыторыі Украіны, выпісалі яшчэ ў снежні, але да Мінску ён дабраўся толькі цяпер.
Лебедзева апублікавала сэлфі са сваім трэнерам па MMA Антонам Рыбчонкам. Ён таксама падтрымлівае вайну, перыядычна ездзіць на Данбас і возіць туды грузы ад Аляксея Талая.
Рыбчонак таксама атрымаў такі медаль. Ён апублікаваў агульнае фота, на які бачныя пяць чалавек з медалямі і яшчэ двое. Твары незамазаныя толькі ў трэнера, Лебедзевай і яшчэ аднаго мужчыны.
Рыбчонак падпісаў фота фразай «узнагародзілі шакаладным медалём». І жарт аказаўся недалёкім ад праўды. Бо медаль «за садзейнічанне СВА» — недзяржаўны і прысуджаецца рознымі грамадскімі аб'яднаннямі.
Каб атрымаць бірульку, можна напісаць ліст з хадайніцтвам ад якога-небудзь вайсковага падраздзялення. Або пералічыць грошы на рахунак аб'яднання.
На сайце вытворцы медаль каштуе 520 расійскіх рублёў — гэта крыху менш за 6 даляраў. Крыху даражэй бірулька каштуе ў розных інтэрнэт-крамах.
Біяграфію Ксеніі Лебедзевай можна даведацца ў сюжэце «Нашай Нівы»:
Хто павінен быць прэзідэнтам Беларусі ў пераходны перыяд? Разважаюць вядомыя беларусы2
Каментары
Бацька мент, матка настаўніца расейскай мовы, адкуль яны ўзяліся на Беларусі? Знешнасць азіяцкая.
У бацькі - мянта хто бацькі? Таксама мянты? Нквдшнікі?