Усяго патроху1313

Мінскае кафэ ўнесла дзяўчыну ў чорны спіс — прычына нестандартная

Дзяўчына адсвяткавала свой дзень нараджэння ў сталічным кафэ. Абслугоўванне, ежа ды інтэр’еры вельмі спадабаліся. Але калі наступным разам яна захацела наведаць бістро, нечакана высветлілася, што патрапіла ў чорны спіс.

Фота з інстаграма бістро Mon Nom

Гісторыю Ліза распавяла ў сваім тыктоку. Усё пачалося ў лістападзе мінулага года. Тады дзяўчына шукала, дзе адсвяткаваць свой 21-шы дзень нараджэння. Вырашыла запрасіць сябровак у знакамітае бістро з русалкамі — Mon Nom. Яна ведала, што ў гэтага кафэ ёсць правіла: забраніраваць столік можна толькі для кампаніі, у якой мінімум пяць чалавек (калі гасцей менш, яны займаюць месца па жывой чарзе). Блогерку гэта цалкам задавальняла, бо яна планавала святкаваць разам з чатырма сяброўкамі.

— На жаль, у дзень майго нараджэння адна з сябровак захварэла і сказала, што не можа прыйсці. Не адмяняць жа мне з-за гэтага ўсё свята і не псаваць сабе настрой. Ва ўстанове было ўтульна і вельмі міла, да нас добра ставіўся ўвесь персанал і ніхто нічога не спытаў пра пятага чалавека. Я аплаціла рахунак, пакінула гасцінец і спакойна пайшла.

А нядаўна дзяўчына зноў захацела наведаць Mon Nom. Яна стала шукаць старонку кафэ ў інстаграме, аднак неўзабаве зразумела, што па нейкіх прычынах яе заблакавалі. Яна здзівілася і папрасіла сяброўку напісаць у дырэкт бістро і высветліць, у чым жа прычына. Тая атрымала адказ: «Блакіруюцца акаўнты, якія не выконвалі правілы браніравання».

@lizzko Отстутсвие клиентоориентированности или просто обиженки. Мой опыт похода в MonNom в Минске #monnom #monnombar #минск #заведенияминск ♬ оригинальный звук - Liz

— Дык вось, у мяне пытанне да Mon Nom: раскажыце мне, калі ласка, калі ў мяне захварэла сяброўка ў дзень нараджэння, я павінна пісаць вам і даваць справаздачу аб колькасці гасцей і зрываць сабе свята? Ці я павінна была шукаць сабе новае месца ў вечар суботы? Нас быў не адзін чалавек, не два. Нас было чацвёра. Але, на жаль, гэтае кафэ не жадае мяне бачыць.

За два дні відэа набрала амаль 360 тысяч праглядаў. Меркаванні каментатараў падзяліліся. Хтосьці лічыць дзіўнай палітыку бістро, з-за якой нельга забраніраваць столік менш, чым на пяць чалавек. Іншыя ўпэўненыя, што дзяўчына павінна была папярэдзіць хостэс пра змену колькасці гасцей і спадзявацца, што ў гонар свята для яе зробяць выключэнне.

Каментары13

  • бабруйчанін
    22.01.2024
    Павінна ці заплаціць замоуленне ці паведаміць аб скасаванні Таксама б наступны раз адмовіл..
    Кліент ні зауседы прау...чалавека правы ?? Канарэйка цябе у " грынпіс" Пазбауляйцесь ад " мітау"
  • Серуня
    22.01.2024
    А шо, ёй трэба было убіць у лауку цьвік і сесьці на яе? Добра што моладзь маець свае меркаванне і выказвае яго, Глядзіш, штосьці зменіцца ў людзях і стаўленні да іх. Кожны мае сваю рацыю.
  • Сонейка
    22.01.2024
    Маладзіца, што яны прыгатавалі, калі мы не банкет і ўсё замаўляюць на месцы - як і ўсе астатнія?

Марзалюк: У любой школе, у тым ліку ў рускамоўнай, гісторыю Беларусі і геаграфію трэба выкладаць па-беларуску13

Марзалюк: У любой школе, у тым ліку ў рускамоўнай, гісторыю Беларусі і геаграфію трэба выкладаць па-беларуску

Усе навіны →
Усе навіны

Бязвізам у Беларусь першым скарыстаўся грамадзянін Германіі9

Зянон Пазняк выдаў чарговую кнігу19

У чорных буслоў у Беларусі стала выводзіцца больш птушанят. У чым прычына?

Стрыжак расказаў, як змог так пахудзець8

Падрабязнасці тэракту Крыгера пад Азярышчам — разбураныя шпалы і ніводнага параненага10

Рыка Крыгер не стаў абскарджваць смяротны прысуд — ён уступіў у сілу2

Завочна будуць судзіць Антона Матольку — яму закідаюць 17 артыкулаў, у тым ліку здраду дзяржаве8

З'явілася яшчэ некалькі ФОТА з суда над Рыка Крыгерам

Польскі турыст прыехаў у Беларусь і расхваліў яе на ўсе лады. Ён аказаўся неанацыстам14

больш чытаных навін
больш лайканых навін

Марзалюк: У любой школе, у тым ліку ў рускамоўнай, гісторыю Беларусі і геаграфію трэба выкладаць па-беларуску13

Марзалюк: У любой школе, у тым ліку ў рускамоўнай, гісторыю Беларусі і геаграфію трэба выкладаць па-беларуску

Галоўнае
Усе навіны →