Культура1414

Пасля поспеху суседзяў у Беларусі зноў загаварылі пра Сусветную спадчыну ЮНЕСКА

Уключэнне ў верасні ў спіс ЮНЕСКА латвійскай Кулдыгі і мадэрнісцкай спадчыны літоўскага Коўна, відаць, падштурхнула беларускіх чыноўнікаў задумацца пра перспектывы Каложскай царквы і культавага абарончага дойлідства на Беларусі, якія ўжо два дзесяцігоддзі знаходзяцца ў папярэднім спісе.

Сынкавіцкая царква-крэпасць. Фота: Гугл Карты

Афіцыйны партал Беларускай Праваслаўнай Царквы паведаміў, што 20 кастрычніка 2023 года ў Міністэрстве культуры Беларусі адбылося пасяджэнне міжведамаснай рабочай групы па падрыхтоўцы намінацыйных дасье для падачы заявак у Спіс сусветнай спадчыны ЮНЕСКА — «Каложская (Барысаглебская) царква ў г. Гродна як прыклад гродзенскай архітэктурай школы» і «Культавыя збудаванні абарончага тыпу ў в. Мураванка, у в. Сынкавічы і аг. Камаі».

У пасяджэнні прынялі ўдзел супрацоўнікі Мінкультуры і Гродзенскага аблвыканкама, а таксама настаяцелі пералічаных храмаў.

Каложская царква з боку апсіды пасля рэстаўрацыі. Фота: Wikimedia Commons
Маламажэйкаўская царква-крэпасць пасля нядаўняй рэстаўрацыі фасадаў. Фота: Гугл Карты

У ходзе пасяджэння абмяркоўвалася выкананне заказчыкамі дзяржаўнай праграмы «Культура Беларусі» на 2021-2025 гады мэтавага паказчыка па ўключэнні новых аб'ектаў спадчыны ў ЮНЕСКА, а таксама выпрацавалі тэрміны падачы настаяцелямі храмаў матэрыялаў для намінацыйнай дакументацыі.

Камайскі касцёл — адзіны каталіцкі храм у намінацыі. Фота: Гугл Карты

Раней намінацыя «Культавыя збудаванні абарончага тыпу» была транснацыянальнай і акрамя аб'ектаў у Беларусі уключала аналагічныя аб'екты, пабудаваныя ў стылі «беларускай готыкі» ў Літве і Польшчы. Лічыцца, што такія намінацыі маюць больш шансаў быць прызнанымі Сусветнай спадчынай, чым намінацыі асобных краін. Але цяпер з назвы намінацыі суседзі Беларусі зніклі, відаць, праз тое, што рэжымам Лукашэнкі гэтыя краіны лічацца варожымі.

Сёння ў папярэдні спіс Сусветнай спадчыны ЮНЕСКА ў Беларусі ўнесены Аўгустоўскі канал, Спаса-Праабражэнская царква і Сафійскі сабор у Полацку, Барысаглебская (Каложская) царква ў Гродне, культавыя збудаванні абарончага тыпу, драўляныя цэрквы Палесся, а таксама ансамбль праспекта Незалежнасці ў Мінску.

Усе яны дададзены ў папярэдні спіс яшчэ ў 2004 годзе, і з таго часу, а мінула ўжо амаль 20 гадоў, не зроблена анічога ў кірунку прызнання іх сусветнай спадчынай. За гэты час, напрыклад, многія драўляныя цэрквы Палесся, поўны пералік якіх чамусьці ніколі не называўся, былі перабудаваны з выкарыстаннем сайдынгу і нітрыд-тытану на дахах.

«Наша Нiва» — бастыён беларушчыны

ПАДТРЫМАЦЬ

Каментары14

  • Юрий
    01.11.2023
    відьма,Не переживайте,Бондарева не одобрит
  • Ёсік
    01.11.2023
    Юрий, хацеў таксама спытаць, ці ўзгаднялі свае юнацкія парывы з бондаравай. Каб час не марнаваць, ды потым дурнямі не выглядаць, патэлефануйце паскудніцэ.
  • Свабоду Tor Band!
    01.11.2023
    З ЮНЕСКА трэба размаўляць, але не рэжыму, а дэмсілам з прыцягненнем спецдакладчыка ААН па Беларусі ў тым ключы, што пакуль мясцовыя дзеячы культуры ў турмах, ці звольненыя, ці вымушаныя эмігрваць з-за пераследу, то ніякай дапамогі рэжыму на культурныя праграмы.

Коля-сек'юрыці, Цяцерын з торбамі і доктарка з Беленькім. Як выглядала світа Лукашэнкі на «Славянскім базары» ВІДЭА2

Коля-сек'юрыці, Цяцерын з торбамі і доктарка з Беленькім. Як выглядала світа Лукашэнкі на «Славянскім базары» ВІДЭА

Усе навіны →
Усе навіны

ФБР назвала імя таго, хто страляў у Трампа23

Калі з Беларусі сыдзе анамальная спёка4

Расіяне занялі Ураджайнае

Беларуска падарожнічае па самых бедных краінах Афрыкі і расказвае — як гэта, калі цябе пастаянна разводзяць на грошы12

Два чалавекі загінулі ў аварыі пад Магілёвам, чацвёра — у рэанімацыі8

Дональд Трамп зрабіў заяву пасля атакі на яго8

Байдэн сказаў, што моліцца за Трампа, і заклікаў аб'яднацца ўсю нацыю11

Чалавек, які страляў на мітынгу ў Дональда Трампа, забіты9

Падчас замаху на Трампа як мінімум адзін чалавек загінуў3

больш чытаных навін
больш лайканых навін

Коля-сек'юрыці, Цяцерын з торбамі і доктарка з Беленькім. Як выглядала світа Лукашэнкі на «Славянскім базары» ВІДЭА2

Коля-сек'юрыці, Цяцерын з торбамі і доктарка з Беленькім. Як выглядала світа Лукашэнкі на «Славянскім базары» ВІДЭА

Галоўнае
Усе навіны →