Эканоміка66

МАЗ, МАЗ і яшчэ раз МАЗ. Паглядзелі, якія прапановы працы былі на кірмашы вакансій

Камітэт па працы, занятасці і сацыяльнай абароне Мінгарвыканкама правёў электронны кірмаш вакансіі. Чыноўнікі падкрэслілі, што маюць прапановы ў тым ліку і для моладзі.

Электроны кірмаш працуе строга па вызначаным графіку. Сёння, напрыклад, пабачыць вакансіі можна было толькі з 10 да 12 гадзіны дня. А роўна апоўдні доступ да базы прыпынілі. 

Найбольш вакансій на электронным кірмашы прадставіў МАЗ: з 420 вакансій прадпрыемству належала ажно 230.

Калі гаварыць аб занятасці на поўную стаўку, то мінімальны заробак на кірмашы прапаноўвала «Белпошта»: 554 рублі на месяц гатовы плаціць кантралёру на кантрольна-прапускным пункце (вольнымі былі адразу тры месцы). Пазначана, што саіскальніку дастаткова мець агульную адукацыю. На 15 капеек больш (554 рублі 15 капеек) на гэтым прадпрыемстве можа атрымаць электраманцёр па рамонце і абслугоўванні электраўстановак.

Таксама прадпрыемства шукае трыццаць пяць паштальёнаў. І гэта не здзіўляе, калі паглядзець на прапанаваны заробак — 594 рублі 9 капеек. Патрэбныя «Белпошце» і сем кіроўцаў. Ім гатовы плаціць 596 рублёў 99 капеек.

За 560 рублёў на месяц МАЗ шукае прэсоўшчыка вырабаў з пластмас. Столькі ж на прадпрыемстве гатовы плаціць вартаўніку. Таксама МАЗу патрабуецца трыццаць восем прыбіральшчыкаў памяшканняў. Зарплату прапануюць у 730 рублёў.

Рэспубліканскі рэабілітацыйны цэнтр для дзяцей-інвалідаў шукае санітара на заробак 650 рублёў. Тут жа патрабуецца прыбіральшчык тэрыторыі. Зарабляць ён будзе 741 рубель 82 капейкі. А 10-я гарадская клінічная бальніца прапануе працу медыцынскага дэзінфектара за 717 рублёў 70 капеек.

Найбольш высокі заробак — 5 тысяч 514 рублёў — на кірмашы прапаноўваюць таму, хто зойме пасаду генеральнага дырэктара МАЗа. Патрабаванняў пазначана не шмат: вышэйшая адукацыя, досвед працы, веданне камп’ютара і замежных моў.

Таксама ў топ вакансій з найбольш высокімі заробкамі патрапілі і іншыя прапановы ад гэтага прадпрыемства: 3300 рублёў прапануюць аграншчыку, 2650 рублёў — сталявару электрапечы, 2550 рублёў — падручнаму сталявару электрапечы.

У топе апынуўся МЗКЦ з наступнымі прапановамі працы: шліфоўшчык — 2650 рублёў (такую ж зарплату прапануюць токару), электразваршчык на аўтаматычных і паўаўтаматычных машынах — 2500 рублёў, наладчык зубарэзных і рэзьбафрэзерных станкоў — 2450 рублёў.

Паводле афіцыйных звестак, у ліпені 2023 года сярэдняя заработная плата ў Мінску склала 2595 рублёў. 

Каментары6

  • Факт.
    12.10.2023
    Средне- специальное образование. Работа в Польше, водителем. Зарплата +- 9000 рублей в эквиваленте. 5 дней работаешь, 2е выходных. Больше, чем оклад директора на МАЗе. Что там Качанова говорила про заинтересовать и удержать грамотами и концертами). Вот и ответ почему не хотят дома, работать. С такими деньгами, даже в Польше можно достойно жить. А дома... так, как Равшан и Джамшут в серии когда им выплатили по 100рублей за работу.))) И это низовая работа, доступная всем с 2мя руками и ногами. Если готов к определённым условиям сопровождающим данную профессию. Отношение работодателя, конечно субъективно мой опыт, достойное. Не хуже, чем при работе дома. Зарплаты в 500-600 р. Это шок, как за такое существовать.
  • Максим Дизайнер
    12.10.2023
    Факт.

    Расскажите 80% нашим ойтишнегам, где вы в Польше зарабатываете 2800 баксов чистыми по текущему курсу на низкоквалифицированной работе без образования?Потому что большинство из них пашут за 1000-1500, я уже молчу про остальных. На одну такую зарплату можно жить в большом доме с ремонтом в ближайшем экологически чистом пригороде Кракова, за год собрать на новый внедорожник, и откладывать на ипотеку. Что-то я не вижу, что даже все поляки живут так.
  • Сонейка
    12.10.2023
    Максим Дизайнер, ну так идите на бел почту зарабатывать 500 рублей.

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне12

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне

Усе навіны →
Усе навіны

Махляры падрабілі галасавое паведамленне ад начальніка беларускі і падманулі яе на 1500 рублёў

Міліцыя расказала, што сёння здарылася на станцыі метро «Купалаўская»3

У Мінску паўтарагадовы хлопчык адчыніў акно і выпаў з 15-га паверха5

На Алясцы знік самалёт з 10 чалавекамі на борце

Расіяне сталі набываць туры ў Беларусь у тры разы часцей, чым летась1

Канал у Аргенціне афарбаваўся ў трывожна-чырвоны колер ФОТАФАКТ3

У Бруселі чацверты раз за тыдзень адбылася страляніна, ёсць загінулы1

Паводле новага закона, небяспечным сабакам можа быць прызнаны нават шпіц12

Германія падазрае Расію ў шэрагу дыверсій з аўто па ўсёй краіне8

больш чытаных навін
больш лайканых навін

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне12

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне

Галоўнае
Усе навіны →

Заўвага:

 

 

 

 

Закрыць Паведаміць