Незалежны архіў VEHA, які цягам ужо шасці гадоў займаецца зборам візуальнага матэрыялу пра паўсядзённасць беларусаў, адкрывае збор фатаграфій для пятага праекта. Будучая кніга мае назву «Руіны Беларусі» — і VEHA запрашае дасылаць фотаздымкі па тэме ў новую калекцыю, паведамляе Reform.by.
Архіў VEHA бачыць сваёй задачай збор вернакулярнай (аматарскай) фатаграфічнай спадчыны, якая дазволіць больш аб’ёмна ўбачыць гісторыю паўсядзённасці беларусаў, абыходзячы фільтры афіцыйнага дыскурсу. Даследчыкі не толькі збіраюць архіў на розныя тэмы, але аналізуюць і асэнсоўваюць дасланы матэрыял.
У даробку VEHA — ужо чатырыі кнігі-альбомы: «Найлепшы бок», «Дзявочы вечар», «Апошні фотаздымак», «Людзі лесу», якія фіксуюць традыцыі, іх трансфармацыю ў жыцці беларусаў на працягу ХХ стагоддзя.
«Руіны Беларусі» — новая тэма, якая мусіць раскрыць не толькі завядзёнку суайчыннікаў — як людзі бавілі час у вандроўках, як успрымалі наваколле і помнікі, — тэма дае магчымасць даследаваць і жыццё замкаў, палацаў, маёнткаў, нават ландшафтаў беларускага краю.
«Думаем, што ў гісторыкаў і археолагаў ёсць нешта, што можа падысці да серыі», — звяртаюцца даследчыкі.
VEHA просіць дасылаць тэматычныя фота, знятыя на тэрыторыі сучаснай Беларусі да 1970 года. Гэта могуць быць фотаздымкі вас ці вашых блізкіх, сяброў на фоне разбураных будынкаў.
Таксама незалежны архіў аб’явіў данаборы на старыя серыі:
- Людзі лесу — чалавек абдымае / сядзіць на дрэве;
- Апошні фотаздымак — пахавальныя фота;
- Дзявочы вечар — вясельныя фота;
- Найлепшы бок — партрэт на фоне тканага дывана.
Збор адкрыты да 15 кастрычніка 2023.
Форма для адпраўкі фотаздымкаў — тут.
Чытайце таксама:
Выходзяць у свет «Людзі Лесу» — чацвёртая кніга фотаархіва VEHA
«Справа кожнага». Чаму трэба пашукаць у сямейным фотаархіве здымкі пра лес і трапіць з імі ў кнігу
Незалежны архіў VEHA стварае фотаальбом «Людзі лесу». Кожны можа ўзяць удзел
Адзіна правільная тактыка для беларусаў падчас цяперашніх «выбараў» — берагчы сябе5
Адзіна правільная тактыка для беларусаў падчас цяперашніх «выбараў» — берагчы сябе
«Дамоклаў Меч». Канал «Белорусскій сіловік» настолькі прарасійскі, што многія меркавалі: гэта расіяне яго вядуць. Не, за ім стаіць суперагент Лукашэнкі4040
Каментары