Свет33

Цукерберг паставіў Маску ўльтыматум. Прапануе прызначыць дату або адмяніць матч

На сваёй платформе Х Маск назваў боса Meta баязліўцам.

Фота: Getty Images

Бос Tesla Ілан Маск «несур'ёзна» ставіцца да правядзення бою ў клетцы, пра які два мультымільярдэры як быццам дамовіліся ў канцы чэрвеня, заявіў уладальнік карпарацыі Meta Марк Цукерберг, піша Бі-бі-сі.

У сваім паведамленні ў сацыяльнай сетцы Threads Цукерберг напісаў, што прапанаваў Маску прызначыць дату, але ў адказ пачуў адгаворкі і апраўданні.

Раней у нядзелю Маск у сваім X (былым Twitter), заявіў, што гатовы выйсці на рынг ужо ў панядзелак.

Аб паядынку Маск і Цукерберг дамовіліся яшчэ 22 чэрвеня, што выклікала велізарны рэзананс у СМІ.

Аднак нягледзячы на пастаянныя ўзаемныя кепікі, пра дакладную дату бою яны так і не дамовіліся, і дагэтуль няма ўпэўненасці ў тым, што ён наогул адбудзецца.

А ў ліпені падаспеў запуск канкурэнта Twitter — дадатку Threads, які менш чым за тыдзень набраў больш за 100 млн падпісчыкаў.

Праўда, пасля першага ўсплёску энтузіязму колькасць карыстальнікаў новай сеткі ўпала, і Х Маска ўпэўнена лідзіруе з 350 млн карыстальнікаў. Аднак Маск усё роўна прыгразіў падаць у суд на Facebook за «незаконнае прысваенне камерцыйных сакрэтаў Twitter».

Meta адхіляе гэтыя прэтэнзіі.

На мінулым тыдні Цукерберг заявіў, што прапанаваў правесці бой у клетцы 26 жніўня. У пятніцу міністр культуры Італіі заявіў, што размаўляў з Маскам аб магчымасці правесці матч у краіне ў якасці дабрачыннага мерапрыемства.

Маск прапанаваў правесці бой у стылістыцы Старажытнага Рыма.

Аднак у нядзелю Цукерберг напісаў на сайце Threads: «Ілан не пацвердзіў даты, потым заявіў, што яму патрэбная аперацыя, а цяпер просіць правесці замест гэтага трэніровачны раўнд у мяне ў двары».

«Калі Ілан калі-небудзь сур'ёзна захоча прызначыць рэальную дату афіцыйнага паядынку, ён ведае, як са мной звязацца. У адваротным выпадку пара рухацца далей. Я збіраюся засяродзіцца на спаборніцтвах з людзьмі, якія сур'ёзна ставяцца да гэтага віду спорту», — дадаў Цукерберг.

На сваёй платформе Х Маск у адказ назваў боса Meta баязліўцам.

Раней Маск апублікаваў у Х перапіску, якая нібыта адбылася паміж ім і Цукербергам.

У ёй ён паведамляе Цукербергу, што ў панядзелак прыедзе ў Пала-Альта, дзе знаходзіцца штаб-кватэра Meta, і што бой можа адбыцца ў «Актагоне» Цукерберга — васьмікутным рынгу, на якім праводзяцца баі ў клетцы.

«Я практычна не трэніраваўся, калі не лічыць сённяшняй кароткай сутычкі з Лексам Фрыдманам [гэта інфарматык і вядучы папулярнага падкаста], — напісаў Маск. — Хоць я лічу гэта малаверагодным, улічваючы нашу розніцу ў памерах, магчыма, ты — сучасны Брус Лі і нейкім чынам здолееш перамагчы».

Маску — 52 гады, Цукербергу— 39. Незвычайная (як мінімум) ідэя пазмагацца ў клетцы ўзнікла, відаць, у галаве кіраўніка Tesla і Twitter у чэрвені, калі ён апублікаваў яе ў сацсетках.

Бос Meta, які ўжо займаецца змяшанымі адзінаборствамі (MMA) і нядаўна выйграў турнір па джыу-джыцу, адказаў проста: «месца і час».

Каментары3

  • Acab
    14.08.2023
    Паставіць, хіба, з дваццатку на Маска?
  • Kotya
    14.08.2023
    Хайп не более. По итогу потом читаем как у них увеличилось состояние у обоих
  • Каўхознік з марсу
    14.08.2023
    Багатыя дурачкі ўсё піпіс.амі мераются.

Стала вядома пра арышт гісторыка Ігара Мельнікава16

Стала вядома пра арышт гісторыка Ігара Мельнікава

Усе навіны →
Усе навіны

Былая палітзняволеная: Мая сям'я патраціла за два гады $10 тысяч на адвакатаў і перадачы для мяне1

«Калі б мне плацілі — сядзела б і чытала людзям кнігі, нават за малыя грошы». Інтэрв’ю з актрысай Зояй Белахвосцік2

У возеры Свіцязь забаранілі купацца. У чым прычына?1

Mercedes урэзаўся ў Fiat, а пасля збіў двух чалавек

Трамп стаў найстарэйшым кандыдатам на пасаду прэзідэнта ЗША ў гісторыі5

Мінск апынуўся ў топе самых танных гарадоў свету — за жыллё трэба плаціць у 10 разоў менш, чым у Нью-Ёрку7

Першыя праблемы беларусаў на Алімпіядзе ў Парыжы. Весляры ўжо там, а лодкі не прапусцілі 

Топавы амерыканскі часопіс спрагназаваў, колькі беларусы заваююць медалёў на Алімпіядзе. У расіян будзе нуль

Харыс заручылася дастатковай падтрымкай для вылучэння кандыдатам у прэзідэнты

больш чытаных навін
больш лайканых навін

Стала вядома пра арышт гісторыка Ігара Мельнікава16

Стала вядома пра арышт гісторыка Ігара Мельнікава

Галоўнае
Усе навіны →