Вядомую ў Бешанковічах майстрыху пакаралі за рэпост фільма пра Лукашэнку
У канцы чэрвеня раённы суд у Бешанковічах прысудзіў штраф Ганне Гудоўскай. Жанчыну прызналі вінаватай «за распаўсюд экстрэмізму» паводле ч. 2 арт. 19.11 КаАП — за рэпосты відэаматэрыялаў, прызнаных у Беларусі «экстрэмісцкімі». Метадыстку Бешанковіцкага дома рамёстваў аштрафавалі на 925 рублёў (25 базавых велічынь), паведамляе «Віцебская вясна».
Ганна Гудоўская — вядомая ў Бешанковічах майстрыха, удзельніца клуба «Скарбонка». Яна дасканала валодае многімі тэхнікамі дэкаратыўна-прыкладнога мастацтва: жанчына займаецца і ганчарствам, і чаканкай, і роспісам па дрэве, робіць маляванкі — дэкаратыўныя дываны. А самае галоўнае — навучае гэтаму маладое пакаленне мясцовых жыхароў, бо ніводнае раённае свята не абыходзіцца без яе майстар-класаў.
Цяпер з невялікага заробку — а ў сферы культуры яны зусім невялікія — Ганна Гудоўская мусіць сплаціць вялікі штраф.
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна13
Каментары