У тым ліку адзін з беспілотнікаў атакаваў аэрапорт Унукава. Самалёты пачалі скіроўваць у іншыя аэрапорты.
Самалёты, якія ляцелі ва Унукава, пачалі перанакіроўваць у іншыя аэрапорты. Гаворка ідзе ўжо пра пяць рэйсаў: з Шарм-Эль-Шэйха, Дубая, Махачкалы, Чэлябінска і Новасібірска, як паведамляе Mash.
У раёне 4-й гадзіны раніцы беспілотнік-камікадзэ нанёс удар па тэрыторыі аднаго з вайсковых аб'ектаў у Кубінцы (Падмаскоўе).
Расійскія тэлеграм-каналы таксама паведамляюць, спасылаючыся на відавочцаў, што ў т. зв. «Новай Маскве» раніцай у аўторак прагрымелі два моцныя выбухі.
Выбухі прагрымелі ў раёне паселішча Марушкінскае побач з аэрапортам Унукава. Пацвярджэнняў, абвяржэнняў, дадатковых падрабязнасцяў пакуль няма.
Расійскае дзяржаўнае агенцтва ТАСС дапаўняе інфармацыю пра збітыя беспілотнікі: па яго звестках, яшчэ адзін быў збіты ў Калужскай вобласці.
«Паводле папярэдніх звестак, тры беспілотнікі ў розны час накіроўваліся ў бок Масквы. Сродкамі РЭБ два з іх знішчылі ў Новай Маскве, адзін — у Калужскай вобласці», — цытуе ТАСС свайго суразмоўцу ў экстранных службах. Паводле яго, гэта былі беспілотнікі самалётнага тыпу.
Афіцэр-пагранічнік, які прайшоў праз турму, расказвае пра жыццё «да» і «пасля» дый не шкадуе слоў пагарды для амапаўцаў3
Каментары