Samaloty, jakija lacieli va Unukava, pačali pieranakiroŭvać u inšyja aeraporty. Havorka idzie ŭžo pra piać rejsaŭ: z Šarm-El-Šejcha, Dubaja, Machačkały, Čelabinska i Novasibirska, jak paviedamlaje Mash.

U rajonie 4-j hadziny ranicy bieśpiłotnik-kamikadze nanios udar pa terytoryi adnaho z vajskovych abjektaŭ u Kubincy (Padmaskoŭje).

Rasijskija telehram-kanały taksama paviedamlajuć, spasyłajučysia na vidavočcaŭ, što ŭ t. zv. «Novaj Maskvie» ranicaj u aŭtorak prahrymieli dva mocnyja vybuchi.

Vybuchi prahrymieli ŭ rajonie pasielišča Maruškinskaje pobač z aeraportam Unukava. Paćviardžeńniaŭ, abviaržeńniaŭ, dadatkovych padrabiaznaściaŭ pakul niama.

Rasijskaje dziaržaŭnaje ahienctva TASS dapaŭniaje infarmacyju pra źbityja bieśpiłotniki: pa jaho źviestkach, jašče adzin byŭ źbity ŭ Kałužskaj vobłaści. 

«Pavodle papiarednich źviestak, try bieśpiłotniki ŭ rozny čas nakiroŭvalisia ŭ bok Maskvy. Srodkami REB dva ź ich źniščyli ŭ Novaj Maskvie, adzin — u Kałužskaj vobłaści», — cytuje TASS svajho surazmoŭcu ŭ ekstrannych słužbach. Pavodle jaho, heta byli bieśpiłotniki samalotnaha typu.

Клас
16
Панылы сорам
1
Ха-ха
1
Ого
0
Сумна
2
Абуральна
0