Кіраўнік украінскай разведкі Кірыла Буданаў выказаў сваё меркаванне, чаму Яўген Прыгожын спыніў свой мяцеж. Паводле яго, кіраўніка ПВК «Вагнер» пераканалі спыніцца, націснуўшы на яго «патрыятычныя перакананні».
Кірыла Буданаў. Фота: Дзмітрый Ларын / «Украінская праўда»
«Мне непрыемна гэта прызнаваць, але Яўген Прыгожын — патрыёт Расіі. Лукашэнка і іншыя асобы змаглі яго пераканаць [у тым], што сваімі дзеяннямі ён разарве Расію. Магла б паўстаць такая ж сітуацыя, як у нас у 2014 годзе, калі Януковіч крычаў, што ён «легітымны», — сказаў Кірыла Буданаў у каментары «Украінскай праўдзе».
У той жа час, на яго думку, сярод наступстваў бунту «Вагнера» значнымі для Украіны з'яўляюцца кампраметацыя расійскага кіраўніцтва і тое, што падначаленыя Яўгена Прыгожына больш не будуць ваяваць на ўкраінскім фронце.
Каментары
А галоўнай прычынай ягонага "піўнога путча" стала дзейнасць Шайгу і
ягонага атачэння па стварэнню сваёй ПВК, якая пачала упэўнена перамагаць
Вагнер у канкурэнціі за бюджэтныя грошы (пару дзён таму Пуцін прыкладна агучыў уражваючыя бюджэты) і чалавечыя рэсурсы ў выглядзе
урак.