«Цэлая брыгада гатовая была». Лукашэнка заявіў, што быў гатовы паслаць войскі ў Расію для падаўлення мяцяжу
«Цэлая брыгада гатовая была да перакідвання ў Расійскую Федэрацыю пры неабходнасці», — заявіў сёння Аляксандр Лукашэнка, выступаючы ў Палацы Незалежнасці з нагоды ўручэння вайсковых званняў.
Ілюстрацыйны здымак. Фота: Мінабароны РБ
Аляксандр Лукашэнка заявіў, што ў суботу прывёў войскі ў поўную боегатоўнасць.
«Цэлая брыгада гатовая была да перакідвання ў Расійскую Федэрацыю пры неабходнасці», — сказаў Лукашэнка.
Лукашэнка таксама заявіў, што «калі абрынецца Расія, мы застанёмся пад абломкамі, усе загінем».
У выпадку калі беларускія войскі былі б задзейнічаныя, ім давялося б даць бой загартаваным у баях ва Украіне наймітам ПВК «Вагнер».
- 23 чэрвеня Прыгожын абвясціў, што ідзе «на Маскву», бо не хоча, каб Расія жыла «ў карупцыі і хлусні». Ён заклікаў не супраціўляцца наймітам, інакш яны будуць знішчаць усіх, хто ім будзе замінаць.
- Ужо раніцай «вагнераўцы» ўзялі пад кантроль частку вайсковых аб'ектаў Растова-на-Доне і высунуліся ў бок Масквы, прайшоўшы Варонежскую, Ліпецкую і Тульскую вобласці.
- У Расіі распачалі супраць яго крымінальную справу, Пуцін назваў мяцеж здрадай, а ў Маскве і вобласці ўвялі рэжым контртэрарыстычнай аперацыі.
- Аднак ужо ўвечары Прыгожын абвясціў, што разварочвае калоны і ідзе назад. У Крамлі заявілі, што справу супраць яго закрыюць, сам верхавод ПВК «пойдзе ў Беларусь». Таксама яны паабяцалі не пераследаваць яго наймітаў. Гэта стала нібыта следствам перамоваў Прыгожына з Аляксандрам Лукашэнкам. Таксама стала вядома, што калоны ПВК «Вагнер» могуць пайсці ў Беларусь.
- Дакладнага пацвярджэння гэтаму пакуль няма, хаця борт Прыгожына сёння прызямліўся ў Мачулішчах.
У Беларускай праваслаўнай царкве абнавілі цэннік? Вось якія будуць рэкамендаваныя тарыфы7
Каментары
это не ОНИ были были готовы идти, а это ТЫ был готов их послать на чернозём.
понятно, что таких рабов с IQ табуретки можно куда угодно слать, и они даже не поймут, что произошло, когда хаймарс в хлеборезку заедет, но всё же.