Здарэнні

У Аўстрыі беларуса асудзілі за крадзеж з крамы гульняў для PlayStation

У Аўстрыі прайшоў суд над 46-гадовым беларусам, які восенню 2022 года спрабаваў без аплаты вынесці з крамы гульні для PlayStation і нанёс цялесныя пашкоджанні супрацоўніку. Пра гэта піша belmir.by.

Наш суайчыннік першы раз увайшоў у памяшканне крамы Media Markt у горадзе Санкт-Пельтэн 31 кастрычніка, а затым зноў наведаўся туды, але ўжо змяніўшы адзенне. З дзвюма гульнямі PlayStation пад курткай ён прайшоў міма кас, не аплаціўшы тавары. Аднак за мужчынам ужо назіраў супрацоўнік службы аховы, які і загарадзіў яму дарогу перад выхадам.

Паводле версіі абвінавачвання, там парушальнік паваліў ахоўніка штуршком у твар, а затым ударыў ляжачага локцем па рэбрах. Далей ён паспрабаваў уцячы з крамы праз запасны выхад, але ахоўнік схапіў яго ззаду за вопратку. Беларус зноў стаў вырывацца, аднак з дапамогай іншых людзей яго затрымалі. У выніку ахоўнік атрымаў ранку на носе і дзве зламаныя рабрыны.

Наш суайчыннік прызнаў, што сапраўды хацеў здзейсніць крадзеж. Але ён заявіў, што не супраціўляўся, калі яго спынялі, а проста спалохаўся, убачыўшы супрацоўніка крамы, і хацеў уцячы. Адвакат затрыманага падкрэсліла, што ніводзін са сведак не казаў пра мэтанакіраваныя ўдары, і гаворка ідзе хутчэй пра наступствы барацьбы, якая адбывалася.

Урэшце беларуса прызналі вінаватым у спробе здзяйснення крадзяжу і нанясенні пашкоджанняў ахоўніку — а менавіта, ранкі на носе. Што тычыцца пералому рэбраў, то прычыненне гэтай траўмы не магло быць адназначна даказанае як віна затрыманага, і па гэтым пункце мужчыну апраўдалі.

Канчатковы прысуд — турэмнае зняволенне на 5 месяцаў умоўна з выпрабавальным тэрмінам у 3 гады.

Каментары

Падае курс даляра — чаму так?6

Падае курс даляра — чаму так?

Усе навіны →
Усе навіны

Сёння пачынаюць судзіць 24-гадовую мінчанку за ўдзел у акцыі пратэсту

Зварот Байдэна да нацыі нагадваў пахавальны марш — Bild

У Беларусі змянілі правілы абмену валют. Тры галоўныя новаўвядзенні

Супраць мамы анархіста Францкевіча, асуджанага на 16 гадоў калоніі, завялі крымінальную справу1

Стала вядома, дзе будуць вучыцца студэнты закрытых прыватных ВНУ1

Стрыжак расказаў, ці мае прэзідэнцкія амбіцыі6

«Дачка Мара плакала ад гора». У Маладзечне дружалюбны лабрадор нечакана для ўсіх з'еў нутрыю Капібару — усеагульную любіміцу9

Золатавалютныя рэзервы Польшчы перавысілі рэкордныя $200 мільярдаў7

Хто такі Вадзім Красікаў, у якім так зацікаўленая Расія?1

больш чытаных навін
больш лайканых навін

Падае курс даляра — чаму так?6

Падае курс даляра — чаму так?

Галоўнае
Усе навіны →