Грамадства22

Літоўскі сейм прыняў некаторыя абмежаванні супраць грамадзян Беларусі і Расіі, але яны неістотныя

Літоўскі сейм прыняў абмежавальныя меры ў дачыненні да грамадзян Расіі і Беларусі. Аднак парламент вырашыў адмовіцца ад абмежаванняў, звязаных з прыёмам грамадзян Беларусі і Расіі ў грамадзянства Літвы, піша Delfi.lt.

Праект закона аб абмежавальных мерах у сувязі з ваеннай агрэсіяй супраць Украіны быў закліканы на год зрабіць больш жорсткім парадак выдачы дазволаў на пастаяннае або часовае пражыванне, парадак выдачы віз, увядзенне забароны на перамяшчэнне грамадзян Расіі праз знешнюю мяжу Еўрапейскага саюза (за выключэннем выпадкаў, калі яны адпавядаюць устаноўленым Літвой патрабаванням).

Аднак пасля абмеркаванняў у Камітэце Сейма па нацыянальнай бяспецы і абароне было прынятае рашэнне пакінуць без зменаў парадак выдачы дазволу на жыхарства грамадзянам Беларусі.

Таксама прапаноўвалася ўвесці абмежаванні, звязаныя з парадкам прыёму грамадзян Расіі і Беларусі ў грамадзянства Літвы. Аднак Сейм вырашыў адмовіцца ад гэтага палажэння. У прававых актах прадугледжваецца ўзмацненне жорсткасці права грамадзян Расіі на набыццё нерухомасці ў Літве.

Выключэнні закрануць толькі расіян, якія маюць пастаянны дазвол на жыхарства або набываюць нерухомасць у краіне ў парадку атрымання ў спадчыну.

Прадугледжваюцца абмежаванні, звязаныя з наданнем статусу электроннага рэзідэнта, — пасля прыняцця паправак да закона будзе ануляванае дзеянне электроннай ідэнтыфікацыі і электроннага подпісу грамадзян Расіі і Беларусі. Выключэнні будуць дзейнічаць у дачыненні да асоб, якія маюць дазвол на жыхарства ў Літве — часовы ці пастаянны.

Таксама ўводзяцца абмежавальныя меры на ўвоз і вываз украінскіх грыўняў з краіны. Тэрмін дзеяння гэтых абмежавальных мер —адзін год з дня ўступлення закона ў сілу, г. зн., з 3 мая 2023 г. да 2 мая 2024 г., аднак урад мае права падоўжыць тэрміны, калі ўзнікне неабходнасць у такім рашэнні.

Некаторыя з гэтых нацыянальных санкцый у Літве дзейнічаюць і цяпер, але мэта заключаецца ў тым, каб перанесці іх у асобны закон і не звязваць выключна з надзвычайным становішчам.

Удакладненне. У першасным варыянце гэтага артыкула памылкова сцвярджалася, што «Прадугледжваюцца абмежаванні, звязаныя з наданнем статусу электроннага рэзідэнта, — пасля прыняцця паправак да закона будзе ануляванае дзеянне электроннай ідэнтыфікацыі і электроннага подпісу грамадзян Расіі і Беларусі. Выключэнні будуць дзейнічаць толькі ў дачыненні да асоб, якія маюць пастаянны дазвол на жыхарства ў Літве».

Правільна: «Прадугледжваюцца абмежаванні, звязаныя з наданнем статусу электроннага рэзідэнта, — пасля прыняцця паправак да закона будзе ануляванае дзеянне электроннай ідэнтыфікацыі і электроннага подпісу грамадзян Расіі і Беларусі. Выключэнні будуць дзейнічаць толькі ў дачыненні да асоб, якія маюць пастаянны ці часовы дазвол на жыхарства ў Літве».

Абмежаванні для беларусаў і расіян у Літве плануюць пакінуць у сіле, але не ўсе

Дарадца прэзідэнта Літвы пра абмежаванні для беларусаў: Падчас вайны гэта неабходна

Офіс Ціханоўскай пракаментаваў новы закон, які могуць прыняць па беларусах у Літве

Каментары2

  • мясцовы2
    04.04.2023
    Рана радавацца. Там ходзяць чуткі, што Наўседа накладзе вета на гэты закон, каб прыняць потым закон з абмежаваннямі для беларусаў такімі ж як і для расейцаў.
  • Маё імя
    04.04.2023
    мясцовы2, эх, не здолееце атрымаць літоўскае грамадзянства (((

Работніцы суда пагражае да 12 гадоў за «заклікі да санкцый і абразу Лукашэнкі»

Работніцы суда пагражае да 12 гадоў за «заклікі да санкцый і абразу Лукашэнкі»

Усе навіны →
Усе навіны

Гэты карлікавы кот з сарамлівым выглядам стаў новай зоркай сацсетак5

У гатэлі Бангкока знойдзены мёртвымі шэсць грамадзян В'етнама1

Названы свежы медыянны заробак. І ён намнога меншы за сярэдні

Высветлілася, што пад Масквой патануў кіраўнік дэлегацыі вайскоўцаў КНДР

Рабочаму з Баранавічаў далі год за лайкі пад карыкатурамі на Лукашэнку. Цяпер пагражае яшчэ да 12 гадоў2

Замах на Дональда Трампа планаваў Іран — CNN11

Мінэнерга паведаміла пра аднаўленне электразабеспячэння Мазыра1

Мазырская вертыкальшчыца далажыла пра аднаўленне водазабеспячэння. У каментарах ёй пярэчаць

Ад сёння Літва мае намер увесці абмежаванні на ўезд аўто з беларускімі нумарамі30

больш чытаных навін
больш лайканых навін

Работніцы суда пагражае да 12 гадоў за «заклікі да санкцый і абразу Лукашэнкі»

Работніцы суда пагражае да 12 гадоў за «заклікі да санкцый і абразу Лукашэнкі»

Галоўнае
Усе навіны →