Шведскі прыход падазрае манашак з мінскага Свята-Елісавецінскага манастыра ў падмане — СМІ
Шведскія СМІ апублікавалі матэрыял пад загалоўкам «Расійскія манашкі-шпіёнкі падманулі прыход у Селангеры ў Швецыі». Вытрымкі з яго прыводзіць reform.by.
Паводле інфармацыі аўтараў, манашкі наведваюць Селангер ужо некалькі гадоў. На гэты раз прыход прапанаваў ім стол, за якім яны прадавалі вырабы, каб сабраць грошы для «самотных, хворых і асірацелых дзяцей». Манашкі прыехалі з паўднёвай Швецыі і накіроўваліся ў Нарботэн.
Аднак у сераду прыход атрымаў новую інфармацыю пра наведвальніц: ёсць падазрэнне, што сабраныя сродкі поўнасцю ідуць на вайну ва Украіне.
«Мне б вельмі хацелася, каб мы маглі гэта адмяніць», — сказала газеце Хелена Вестэрлінд, дыяканіса прыходу ў Селангеры, які прымаў манашак.
Па словах прэс-сакратара Народнай амбасады Беларусі ў Швецыі Дзмітрыя Васэрмана, манастыр і манашкі дзейнічаюць пад «ілжывым сцягам».
«Частка грошай, магчыма, ідзе бедным дзецям, але гэта дзейнасць, накіраваная на падрыхтоўку дзяцей да таго, каб яны сталі салдатамі рускіх нацыяналістаў», — сказаў ён у каментарыі газеце.
Па словах Хелены Вестэрлінд, яна была шакаваная гэтай навіной. «Мы можам толькі папрасіць прабачэння за тое, што адбылося. Мы зусім не хочам, каб нас асацыявалі з падтрымкай Расіі», — сказала яна.
Нагадаем, на Раство Аляксандр Лукашэнка пахваліў Свята-Елісавецінскі манастыр за збор дапамогі расійскім вайскоўцам ва Украіне. Па бласлаўленні протаіерэя Андрэя Лемяшонка заснаваная суполка «Дапамога братам». У ёй вернікам прапануюць падтрымаць расійскіх вайскоўцаў ва Украіне: выслаць ім цёплыя рэчы, пералічыць грошы ці напісаць ліст.
«Сваіх не кідаем». Мінскі Свята-Елісавецінскі манастыр актыўна спрыяе расійскай агрэсіі ва Украіне
Протаіерэй Лемяшонак пахваліў Лукашэнку за падтрымку Расіі ў вайне і не толькі
Аўтаслесар, афіцыянт, танцор у Тайландзе, ролі ў «Мухтары» і «Сватах». Пяць фактаў пра новага міністра культуры Чарнецкага14
Каментары