У розных раёнах краіны з раніцы стаяць пасты ДАІ, правяраюць машыны
Пасля падрыву каштоўнага расійскага самалёта А-50 у Мачулішчах, сілавікі працягваюць пошукі датычных да дыверсіі.
«Мотолько Помогі» паведамляе, што на бягучы момант пасты ДАІ стаяць у
— Ганцавічах;
— раёне Мачулішчаў;
— Пінскім раёне (траса Р-147);
— Барысаўскім раёне (траса Р-53 паміж Жодзінам і Барысавам);
— Столінскім раёне (в. Беражное).
Па Пінскім раёне, уздоўж трасы Р-147, якая вядзе да КПП «Невель», пасты ў кожнай вёсцы, ездзіць ДАІ. Ёсць як вайскоўцы, так і міліцыя. Людзей спыняюць і даглядаюць.
Учора «Наша Ніва» паведамляла, што пагранічнікі ўзмацнілі ахову граніцы. Лукашэнкаўцы лічылі, што дыверсію ажыццявіла ўкраінская дыверсійна-разведвальная група, якая зайшла на тэрыторыю Беларусі.
«Нагналі людзей, пільнуем кожны кіламетр, каб не даць вярнуцца ва Украіну магчымай ДРГ», — ананімна паведаміў «Нашай Ніве» суразмоўца з Памежнага камітэта.
Канал «Беларусь за МКАДам» дапаўняе, што ўзмоцненыя патрулі ДАІ і вайскоўцаў з аўтаматамі выстаўлены і ў Столінскім раёне, у раёне вёскі Беражное за 30 кіламетраў ад мяжы з Украінай.
Нагадаем, учора ранкам каля 9-й раніцы на аэрадроме былі чутныя два выбухі. Паведамлялася, што пацярпеў вельмі каштоўны расійскі самалёт далёкай разведкі ДРЛВ А-50, ён быў падарваны ў двух месцах. Усяго такіх самалётаў у Расіі, спраўных і няспраўных, дзевяць. Ён выкарыстоўваўся для навядзення расійскіх ракет на цэлі ва Украіне.
Кіраўнік аб’яднання BYPOL Аляксандр Азараў паведаміў, што расійскі самалёт А-50 атакавалі з паветра. Напад з дапамогай двух дронаў учынілі ўдзельнікі плана «Перамога», яны цяпер у бяспецы.
Самалёт у Мачулішчах атакавалі двума дронамі беларусы, удзельнікі плана «Перамога» — Азараў
«Падлік галасоў як сатанісцкі рытуал». Былы член камісіі расказаў, як у Беларусі фальсіфікуюць выбары8
Каментары