На Камароўцы з’явіліся першыя цюльпаны. Колькі яны каштуюць?
Галоўны індыкатар хуткага наступлення вясны — пачатак продажу цюльпанаў. Кветкі ўжо з’явіліся на мінскім Камароўскім рынку, пра што паведамляе яго інстаграм-акаўнт.
Фота: інстаграм komarovka.by
Нягледзячы на тое, што да 8 Сакавіка яшчэ далёка, цюльпаны чакаюць сваіх пакупнікоў напярэдадні іншага свята — Дня ўсіх закаханых. У продажы з’явіліся букеты розных колераў: крэмавага, зялёнага, ружовага, жоўтага, белага і чырвонага.
Цана за адзін цюльпан на Камароўцы — ад трох да пяці рублёў.
Акрамя таго, на рынку ўжо можна купіць гартэнзіі, нарцысы, ранункулусы і гіяцынты ў гаршках — для высадкі.
Каментары
ахрэнець. колькі ж каштавалі букеты для ярмошынай? качанава пэўна разыралася ,,бедная