Зніжкі на Geely ад Лукашэнкі больш няма? Што цяпер з цэнамі на беларуска-кітайскія аўтамабілі

Як змяняліся цэны на «айчынныя» аўтамабілі

Да абурэння Лукашэнкі Geely ў Беларусі прадавалі па наступных цэнах:

• Coolray — ад 74 300 рублёў
• Atlas Pro — ад 87 400 рублёў
• Tugella — ад 108 800 рублёў.

Павялічыць

Пасля анансаванай зніжкі тыя самыя аўтамабілі пачалі рэалізоўваць на 15% танней.

Ужо з 2 чэрвеня цэны на Geely выглядалі так:

• Coolray — ад 62 815 рублёў
• Atlas Pro — ад 73 950 рублёў
• Tugella — ад 92 140 рублёў.

Павялічыць

Па стане на 26 кастрычніка прайс на беларуска-кітайскія аўтамабілі выглядае наступным чынам:

Кошт Geely Atlas Pro і Geely Coolray застаўся нязменным — 73 950 і 62 815 рублёў адпаведна. У той жа час самы дарагі красовер — Geely Tugella — стаў яшчэ даражэйшым. Цяпер яго можна набыць па цане ад 111 600 рублёў. 

Tugella падаражэла не толькі адносна цаны, якая атрымалася пасля аб'яўленай зніжкі, але і адносна той, што была да яе.

Павялічыць

Як высветлілася, зніжкі на Geely Tugella прыбралі яшчэ ў верасні. З надыходам восені гэтую мадэль пачалі прадаваць па тых цэнах, што і да ўвядзення «зніжкі ад Лукашэнкі». Пазней у продаж пачалі паступаць нібыта рэстайлінгавыя аўтамабілі, таму цэны на Tugella зноў пайшлі ўгару. 

Той факт, што пасля рэстайлінгу цана на аўтамабіль можа вырасці, у прынцыпе, не выклікае здзіўлення, але рэч у тым, што рэстайлінг у Geely Tugella адбыўся вельмі ўмоўны. Гэты факт падчас размовы не абвяргаюць нават самі прадаўцы. Анансаваныя змены ў выпушчаных аўтамабілях не падпадаюць пад класічнае разуменне гэтага паняцця, паколькі рэстайлінгавы і дарэстайлінгавы аўтамабіль у гэтым выпадку амаль нічым не адрозніваюцца.

Па словах менеджараў, «асучаснены» аўтамабіль ад старога будзе адрознівацца абноўленым выхлапам, колерам пластыку, які ідзе па ніжняй частцы машыны, і ўзорам малюнка на колавых дысках. Апроч гэтага, названыя нязначныя змены ў частцы пластыку на пярэднім бамперы. 

Калі казаць пра машыны ў больш багатай камплектацыі, то ў абноўленым варыянце, апроч вышэй згаданых змен, з'яўляецца чорная столь, праекцыя на лабавое шкло і аўдыясістэма BOSE. Натуральна, што і цана такога аўто будзе вышэйшая. 

Ужыванне тэрміна «рэстайлінг» да гэтага аўто прадаўцы тлумачаць тым, што для кітайскіх вытворцаў змена камплектацыі аўто, каляровых рашэнняў і ўзору на дысках — гэта ўжо нібыта рэстайлінг. Калі б гэта быў аўтамабіль вытворчасці нейкага сусветнага брэнда, то пра ніякі рэстайлінг размовы б не было, бо фактычна ў машыне нічога не змянілася. Па факце гэта проста аўтамабілі ў абноўленай камплектацыі. 

Тое, што праз абнаўленне камплектацыі аўтамабіль падаражэў, адносна зразумела, а вось чаму лукашэнкаўская зніжка на Geely з верасня распаўсюджваецца толькі на дзве з трох мадэляў — пытанне адкрытае. Але, так ці інакш, яшчэ два месяцы таму Geely Tugella прапаноўваліся па цэнах ад 92 140 рублёў, а цяпер цэны на аналагічныя аўто беларуска-кітайскай вытворчасці стартуюць з адзнакі ў 111 600, што амаль на 20 тысяч больш, чым было ўлетку.

Вынікае, што спачатку Geely Tugella патаннела на 15%, а ўжо праз пару месяцаў падаражэла на 21%. Хоць курс даляра за гэты час знізіўся на 5%, а курс еўра — на 8%.

Павялічыць

А што з попытам і наяўнасцю такіх аўто?

Нягледзячы на тое, што Tugella заўважна падрасла ў цане, попыт, па словах менеджараў, на такія аўто ёсць. Больш за тое, цяпер немагчыма прыйсці ў салон, выбраць аўто і адразу з'ехаць на ім дадому. Рэч у тым, што ні Tugella, ні аўто дзвюх іншых мадэляў у наяўнасці няма. Найбліжэйшыя пастаўкі плануюцца на лістапад, ахвотным набыць аўто прапануюць пакінуць свае кантакты або запісацца ў ліст чакання.

Чытайце таксама: 

Павысяць максімальную хуткасць, вызначацца з электрасамакатчыкамі. Якія змены ў ПДР пачнуць дзейнічаць 

«Схема была выгаднай, калі льготнікі бралі па 300-500 даляраў, а цяпер…» Як аўтаперагонны бізнэс перажывае складаныя часы

• 3
• 0
• 28
• 10
• 2
• 0
• 4
• 0