Łukašenka pryznačyŭ u skład savieta respubliki Siamiona Šapiru
Alaksandr Łukašenka ŭ adpaviednaści z č. 2 art. 91 Kanstytucyi pryznačyŭ staršyniu Hrodzienskaha abłvykankama Siamiona Šapiru členam savieta respubliki nacyjanalnaha schodu Biełarusi piataha sklikańnia.Adpaviedny ŭkaz Łukašenka padpisaŭ 18 kastryčnika, paviedamiła jaho
Nahadajem, Centrvybarkam na pasiadžeńni 28 vieraśnia zaćvierdziŭ vyniki vybaraŭ členaŭ savieta respubliki nacyjanalnaha schodu piataha sklikańnia. Usiaho było abrana 56 členaŭ vierchniaj pałaty parłamienta: pa vosiem ad kožnaj vobłaści i Minska.
Abrańnie členaŭ savieta respubliki prachodziła na pasiadžeńniach deputataŭ miascovych savietaŭ bazavaha ŭzroŭniu ŭ kožnaj vobłaści i Minskaha harsavieta. Na praktycy vybary ŭ vierchniuju pałatu parłamienta prachodziać u Biełarusi na biezalternatyŭnaj asnovie.
Členami SR abrany staršyni abłvykankamaŭ: Bresckaha — Kanstancin Sumar, Viciebskaha — Alaksandr Kosiniec, Homielskaha — Uładzimir Dvornik, Minskaha — Barys Batura, Mahiloŭskaha — Piotr Rudnik, a taksama staršynia Minharvykankama Mikałaj Ładućka. Siarod členaŭ vierchniaj pałaty parłamienta taksama možna adznačyć hienieralnaha dyrektara Biełaruskaj kalijnaj kampanii Valeryja Ivanova, pieršaha sakratara CK HA «Biełaruski respublikanski sajuz moładzi» Ihara Buzoŭskaha, ciapierašniaha staršyniu Savieta Respubliki Anatola Rubinava.
Jašče vosiem členaŭ savieta respubliki maje prava pryznačyć Łukašenka. Takim čynam, Siamion Šapira staŭ pieršym ź sienataraŭ novaha sklikańnia, pryznačanych u skład vierchniaj pałaty parłamienta Łukašenkam.
Kamientary