Andrej Sańnikaŭ na svabodzie + pieršaje videa
A 2.05 Sańnikaŭ prybyŭ na minski vakzał. «Maja siamja pa-raniejšamu ŭ zakładnikach».
Cisk Jeŭrasajuza daŭ čarhovy vynik: siońnia, napiaredadni Vialikadnia, na svabodu vyjšaŭPrykładna, a 17.30 jaho vyklikali ŭ administracyju kałoniieks-kandydat u prezidenty Andrej Sańnikaŭ.
Z vakzała Andreja Sańnikava zabraŭ da siabie na kvateru były palitviazień, a pierad tym viciebski milicyjant Siarhiej Parsiukievič.Pa jaho ź Minska ŭžo vyjechali paplečniki, u pryvatnaści, Aleś Atroščankaŭ. U stalicy Sańnikava čakali žonka Iryna, syn Danik i mama Ała. Iryna nie mahła pryjechać sustreć muža na vakzał. Jana nie maje prava vychodzić z domu paśla 22-j viečara. Jaje termin jašče praciahvajecca.
* * *
A 2.05 Sańnikaŭ prybyŭ na minski vakzał. Sańnikava sustreli skandavańniem «Žyvie Biełaruś!» i «Naš prezident».Byli vopleski, bieł-čyrvona-biełyja bukiety i pociski ruk. Sustrakali Sańnikava kala 80 čałaviek.
Spatkańnie było vielmi karotkim. Na pytańni Sańnikaŭ adkazvać admoviŭsia. U tym liku i na pytańnie karespandenta «NN», ci sapraŭdy jamu prapanoŭvali vyjechać ź Biełarusi. «Usie adkazy — zaŭtra, — skazaŭ Sańnikaŭ. — Maja siamja pa-raniejšamu ŭ zakładnikach», — nahadaŭ jon. Adzinaje, što jon udakładniŭ, — što jon napisaŭ prašeńnie ab pamiłavańni 20 listapada, a nie pry kancy śniežnia, jak paviedamlali łukašenkaŭcy.
Za rulom mašyny, jakaja pryviezła Sańnikava ź Viciebska, byŭ tata Alesia Atroščankava, pres-sakratara Sańnikava ŭ časie prezidenckaj kampanii.
* * *
Sańnikaŭ pakul minimalna adkazvaje na pytańni žurnalistaŭ.«Pakul trochi ašarašany, treba ačomacca», — skazaŭ jon sajtu Charter97.org. «Pakul nie viedaju, na jakim ja śviecie, — kaža jon karespandentcy radyjo „Svaboda“ na videa. — Ja adekvatna ŭsprymaju rečaisnaść», — kaža jon. Na videa jon havoryć spakojna, roŭnym hołasam. Jon skazaŭ, što na zdaroŭje nie skardzicca, ale prastudžany. Jon paabiacaŭ karespandentu «Našaj Nivy» adkazać na pytańni bolš zaŭtra. Jon skazaŭ, što pakul nie hatovy adkazać na pytańnie pra svaje płany. Na pytańnie pra toje, ci adkaža na pytańni žurnalistaŭ pa pryjeździe ŭ Minsk, skazaŭ: «Moža być». Adčuvajecca, što jon jašče nie adaptavaŭsia da postturemnaj realnaści.
Iryna Chalip pakul admaŭlajecca ad kamientaroŭ. «Pakul nie pabaču, nie pavieru», — skazała jana karespandentu radyjo «Svaboda».
* * *
«Ja da apošniaha nie vieryŭ, što mianie vyzvalać. Mianie stolki razoŭ etapavali z adnoj turmy ŭ druhuju, što ja dumaŭ, što heta čarhovy etap. Ciapier trochi ašałomleny, treba pryjści ŭ siabie.
Chaču pieradać usim słovy padziaki za padtrymku i salidarnaść.Takoj padtrymki i salidarnaści ja nikoli ŭ žyćci raniej nie adčuvaŭ. Dziakuj vam vialiki! Kali b nie vy, ja nie byŭ by siońnia na voli. Tamu što rabiłasia ŭsio, kab ja naohuł nie vyjšaŭ z turmy», — skazaŭ Andrej Sańnikaŭ sajtu charter97.org.
* * *
Sańnikaŭ byŭ aryštavany razam ź inšymi praciŭnikami Łukašenki 19 śniežnia 2010 hoda i pravioŭ u turmie hod i 5 miesiacaŭ. Jaho nie raz etapavali z kałonii ŭ kałonii, kab złamić volu da supracivu.
Sa słovaŭ Sańnikava, jaho katavali i ŭ turmie KDB padčas śledstva, i ŭ kałonii padčas adsiedki.
Paśla vyzvaleńnia jon paŭtaryŭ hetaje ciažkaje abvinavačvańnie na adras łukašenkaŭcaŭ. «Maja adsiedka skončyłasia ŭ vieraśni, paśla byli katavańni», — skazaŭ jon sa skruchaj.
Kamientary